लिम्बु संस्कृति र रितिरिवाजको कथा लिएर निर्माण गरिएको चलचित्र ‘माङ्गेन्ना’को पोस्टर सर्वजनिक भएकोछ । बुधवार धरान १० स्थित चौठौ बिबिक्यु एण्ड रेस्टुरेन्टमा पत्रकार सम्मेलन गरी ‘माङ्गेन्ना’को पोस्टर सर्वजनिक गरिएको हो । गत भाद्र २४ गते धरान १५ स्थित योइंजा , बगरकोटमा १ नम्बर प्रदेश कि निवर्तमान सामाजिक बिकास राज्यमन्त्री माननीय बिष्णुमाया तुम्बाहाम्फेको प्रमुख आतिथ्यता मा शुभमुर्हत भएको थियो । चेली र माइती एक अर्काका परिपुरकहुन र चेली माइती बिच को संस्कारमा आधारीत रहेर फिल्म निर्माण भएको निर्देशक तथा लेखक प्रेम सुब्बाले जानकारी दिए । हाम्रो गाउघरको रितिरिवाज र लिम्बु संस्कृतिलाई फिल्ममा देखाइएको सुब्बाको भनाइछ ।
३६ दिनको सेड्युएल भए पनि सबै कलाकारहरु र प्राबिधिकहरुको मेहनतले दिनरात काम गरेर १८ दिनमै शुटिङ सकाएको सुब्बाले सुनाए । चलचित्रको छायांकन तेह्रथुमको शुक्रबारेमा गरिएको छ । मिक्लाजुङ फिल्म्सको पहिलो प्रस्तुती रहेको चलचित्र ‘माङ्गेन्ना’ लाई सागर सिङ्गल र टिकाराम लिम्बुले संयुक्त्त रुपमा निर्माण गर्नुभएकोछ । कलाकार प्रेम सुब्बा को लेखन निर्देशन रहेको ‘माङ्गेन्ना’मा किशोर सम्बाहाम्फे , टिकाराम लिम्बु ,ममता लिबाङ ,बिपना आन्छङ्बो ,आरबी थान्देन ,मुना हुक्पा चोङ्बाङ ,दिपक लाबुङ, हेमु स्मृति , सुनाराज थेगिम लगायतको अभिनय रहनेछ । प्रकाश सुब्बाको छायांकन रहेको ‘माङ्गेन्ना’ को धनकुटाको डाडा बजार राजारानी , लगायत पुर्वको बिभिन्न रमणीय स्थानमा छायांकन गरिएको निर्माण टिमले जनाएकोछ ।
कार्यक्रममा उपस्थित अतिथीहरुले शुभकामना मन्तव्य राखेका थिए । बिशेष अतिथी समाजसेवी गायक क्यापटेन पूर्ण लिम्बुले आफुले फिल्मको बारे केही दिन अगाडी मात्र थाहा पाएपनी कथा सुन्दा फिल्म हेर्न निकै आतुर रहेको बताए । याक्थुङ चलचित्रकर्मी संघका अध्यक्ष कलाकार नबिन मेन्याङ्बोले समग्र नेपाली चलचित्र कसैको कपी नगरी आफ्नो पहिचान , बिशेषताको लागी संंघर्ष गरिरहनु परेकोले अब हाम्रो माटो सुहाउदो आफ्नै परिबेश जातित्व , कला संस्कृति झल्काउने चलचित्र निर्माण गर्न जरुरी रहेकोमा ‘माङ्गेन्ना’ पनि आफ्नो कला संस्कृति झल्काउने चलचित्र भएकोले सफलताको शुभकामना दिए ।
अर्का अतिथी नेपाल पत्रकार महासंघ सुनसरीका अध्यक्ष जनक ॠषि राईले आफ्नो कला संस्कृति झल्काउने चलचित्रको साउण्ड म्युट गर्दा पनि चिन्न सक्ने बनाउन पर्ने आवश्यकता औल्याए । पोस्टर हेर्दा ‘माङ्गेन्ना’ बाट केही अपेक्षा गर्न सकिने भन्दै सफलताको शुभकामना दिए । कलाकारका तर्फबाट किशोर सम्बाहाम्फे , समाजसेवी गीतकार मिना सिङ्गक ,कलाकार निर्देशक बिजय सुब्बा, फिल्मका प्रस्तुतकर्ता सागर सिङ्गल , निर्माता आरबी थाङ्देन लगायतले बोलेका थिए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।