चलचित्र ‘देवी’ को मुख्य दुई पुरुष कलाकारहरुको पोस्टर सार्वजनिक

यही भदौ २१ गतेबाट देश र बिदेश एकसाथ प्रदर्शनमा आउन लागेको चलचित्र ‘देवी’को दुई मुख्य पुरुष कलाकारहरुको पोस्टर सार्वजनिक भएको छ । सार्वजनिक पोस्टरमा नाजिर हुसेन, गौरव पहारीलाई प्रस्तुतु गरिएको छ । शिल्पा मास्के स्टारर ‘देवी’ले आफ्ना दुई शीर्ष पुरुष कलाकारको पात्र पोस्टर सार्वजनिक गरेको हो ।चलचित्रको मुख्य अभिनेत्री शिल्पा मास्केको चरित्र पोस्टर यसअघि नै सार्वजनिक भइसकेको छ । सञ्जोग राईले निर्देशन गरेको देवीले क्राइम थ्रिलर कथा पेस गर्ने जानकारी निर्माणपक्षले दिएको छ। ‘देवी’ एक्जिबिट स्टुडियोको प्रस्तुतिमा बनेको सिनेमा हो । सार्वजनिक प्रदर्शनका लागि यो सिनेमाले बाँसुरी फिल्म्ससँगको सहकार्य गरेको छ ।

                    चलचित्र नेपालसहित विदेशमा पनि एकसाथ प्रदर्शनमा आउनेछ ।यसै चलचित्रबाट निर्देशनमा डेब्यू गरिरहेका राईले आफ्नो चलचित्रले महिलामाथि हुने यौनहिंसा विरुद्धको कथा पेस गर्ने बताउँदै आफूले यसमा व्यावसायिक भन्दा पनि इमान्दार भएर एउटा राम्रो चलचित्र बनाउने प्रयास गरेको बताए चलचित्र मा अभिनेत्री शिल्पा पत्रकार, गौरव अपराध अनुसन्धान गर्ने प्रहरी तथा नाजिर एक संस्था सञ्चालकको भुमिकामा पर्दामा प्रस्तुत हुनेछन् । चलचित्र गौरवका बुवा तथा वरिष्ठ अभिनेता टीका पहारीको पनि अभिनय रहेको छ ।रेमन गुरुङ, नारायण राई र सञ्जोग राईको निर्माण रहेको सिनेमाको कार्यकारी निर्माता जावेद खान तथा सह-निर्माता उजेन नोर्वे गुरुङ र मिलन लामा हुन् । मनोज राठी र उज्वल पौडेलले वितरण को जिम्मा लिएको ‘देवी’ जोएल फ्रोमको छायांकन पटकथामा ,निर्देशक राईलाई अजय गौतमले सघाएका छन् ।