‘आउटल दफा : २१९’ को टिजरमा सुशीलको ‘एक्सन’ शिक्षाको सस्पेन्स

चलचित्रको फस्टलुक सार्वजनीक भएसँगै ह्वात्तै चर्चा पनि चुलिएको ‘आउटल दफा २१९’को टिजर सार्वजनीक भएको छ । एक्सन र सस्पेन्सले भरिएको ‘आउटलः दफा २१९’को टिजरमा मुख्य कलाकार सुशील श्रेष्ठको इन्ट्री र एङ्ग्री अवतारले सबैको ध्यान खिचेको छ । यही असोज ३ गतेबाट प्रदर्शनमा आउन लागेको आउटलः दफा २१९’ नायक सुशील श्रेष्ठको लागि प्रतिक्षित चलचित्र हो र विशेष बन्ने पक्का देखिएको छ । यो चलचित्रको सार्वजनिक टिजरमा सुशीलको एङ्ग्री एक्सन अवतारले यस्तै संकेत गरेको हो । विक्की महर्जनको लेखन तथा निर्देशनमा निर्माण भएको यो चलचित्रका निर्माता अमित अग्रहरी हुन । विनोद कठायत कार्यकारी निर्माता रहेको चलचित्रको सह–निर्माताको विकास चौधरी हुन ।

चलचित्रमा नविन गुरुङको डीओपी, चुल्ठे काजीको एक्सन निर्देशन, साहिल खानको सम्पादन छ ।यही चलचित्र बाट नेपाली चलचित्र नगरीमा प्रबेश गर्दै छिन शिक्षा संग्रौला । उनी संगै, सुशील श्रेष्ठ, नरेश पौडेल, सुमन भण्डारी, हेम गुरुङ, सोनी लागुन, विशाल पहारी लगायतका कलाकारहरुको अभिनय छ । १ मिनेट छु सेकेन्डको सार्वजनिक टिजरमा चलचित्रको कथावस्तुको सामान्य जानकारी मात्र दिन खोजिएको छ । आकर्षक ब्याक ग्राउन्ड म्युजिकका साथमा सम्पादक साहिलले टिजर तयार पारेका छन् । चलचित्रको मेकिङ उच्च देखिएकाले पनि दर्शकको मन जित्ने अनुमान गर्न सकिन्छ । नेपालको संविधान दिवसको दिन असोज ३ गतेबाट प्रदर्शनमा आउने चलचित्रले उठाएको कथावस्तु दर्शकका लागि पनि विशेष हुने निर्माणपक्षको दाबी छ ।