अचम्मको ‘जारी’ टिजर काव्य शैलीमा प्रस्तुत

सफल चलचित्र ‘कबड्डी’ समुहले निर्माण गरेको चलचित्र ‘जारी’ को टिजर रिलिज भएकोछ । लेखक कवि उपेन्द्र सुब्बाले निर्देशन गरेको ‘जारी’ को टिजर पनि काव्य शैलीमा वाचन गरेर प्रस्तुत गरिएकोछ । अगामी बैशाख १ गते रिलिज को तयारी रहेको ‘जारी’ को टिजर मंगलबार रिलिज गरिएको हो । पुर्वी नेपालको लिम्बुजातीहरु को परम्परा र सभ्यतालाई प्रस्तुत गरिएको छ। रिलिज टिजरमा प्राय सबै कलाकारहरु लिम्बु समुदायको परम्परा, संस्कृति, भेषभूषामा सजिएका छन । रिलिज टिजर सस्पेन्स देख्न सकिन्छ । यहाँ सुरुवातमा दयाहाङ राई र मिरुना मगर दाम्पतीको भूमिकामा देखाइएको छ भने मध्य भागमा दया र रेखा लिम्बु वीचको प्रेम लाई प्रस्तुत गरिरहदा अन्तिममा फेरी मिरुना र रोय दिप श्रेष्ठलाई जोडी को रुपमा देख्दा केही कौतुहलता जगाउद छ । फिल्मले एक व्यक्तिको यस्तो कहानी भन्छ, जो आफ्नो श्रीमती फिर्ता ल्याउन संघर्ष गर्छ ।

उपेन्द्र सुब्बाको लेखन तथा निर्देशन रहेको ‘जारी’ लाई कबड्डी फेम्ड निर्देशक रामबाबु गुरुङले निर्माण गरेका हुन । पुर्वी नेपालको ‘जारी’ प्रथाको कथा रहेको फिल्म मा मिरुना र दया संगै विजय बराल, कमलमणी नेपाल, पुष्कर गुरुङ, प्रेम सुब्बालगायतको पनि अभिनय छ । निमेश श्रेष्ठको सम्पादन रहेको फिल्मलाई सैलेन्द्र डि कार्कीले छायांकन गरेकाछन । फिल्म आउँदो बैशाख १ गते देश भर प्रदर्शनमा आउँदैछ ।