प्री सिजनको मैत्रीपूर्ण खेलमा बर्सिलोनाले रियल मड्रिडको धुलाई गरेकोछ । प्री सिजनको मैत्रीपूर्ण खेलहरु खेल्न अमेरिका भ्रमणमा रहेको बार्सिलोनाले रियल मड्रिडलाई ३-० गोल अन्तरले पराजित गरेको हो । बार्सिलोनाका लागि ओस्मान डेम्बेले, फेर्मिन लोपेज र फेरान टोरेसले १-१ गोल गरे । रियल भिनीसियस जुनिअरको पेनाल्टी क्रसबारमा लाग्दा बराबरी गर्ने अवसर चुकेको थियो । समग्रमा रियलको ५ प्रहारमा पोस्ट बाधक बन्यो ।खेलको १५ औं मिनेटमा डेम्बेलेले बार्सिलोनालाई अग्रता दिलाएका थिए । पेड्रीले पेनाल्टी क्षेत्र भित्र उपलब्ध गराएको उत्कृष्ट पासलाई उनले फिनिस गरे । अमेरिकाको एटी एन्ड टी स्टेडियममा बार्सिलोनाका लागि ओसमान डेम्बेलेले खेलको १५ औं मिनेटमा पहिलो गरेका थिए। क्लब मैत्रीपूर्ण भए पनि खेल केहीबेर तनावग्रस्त बनेको थियो।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।
