झापामा ट्रक र कार ठोक्किदा २ जनाको मृत्यु ५ जना घाईते

झापाको शिवसताक्षी नगरपालिका-९ भालुखोलामा ट्रक र कार एक आपसमा ठोक्किदा २ जनाको मृत्यु भएको छ भने ५ जना घाईते भएका छन् । आज बिहान सवा ७ बजेको समयमा पुर्वबाट पश्चिम तर्फ जाँदै गरेको प्रदेश १-०२-००१ क ३८७९ नम्बरको ट्रक र बिपरीत दिशाबाट आउँदै गरेको प्रदेश १-०१-००च ७४८२ नम्बरको कार एक आपसमा ठोक्किई दुर्घटना हुँदा कारमा सवार रहेका ७ जना घाईते भई उपचारको लागी झापाको बि.एण्ड.सी अस्पताल बिर्तामोड पठाईएकोमा उपचारको क्रममा कार चालक उर्लावारी नगरपालिका-६ का ४५ बर्षीय गुरुचन चौधरी र १८ बर्षीया कुमकुम चौधरीको मृत्यु भएको छ ।दुर्घटनामा परेर घाईते भएका अन्य ५ जनाको सोही अस्पतालमा उपचार भईरहेको तथा दुबै सवारी साधन र ट्रक चालकलाई समेत नियन्त्रणमा लिई थप अनुसन्धान भईरहेको ईलाका प्रहरी कार्यालय झिलझिलेले जनाएको छ ।