स्वच्छ र शिक्षित समाज मेरो चाहना हो :- निशाना थापा

कुमाई ग्राम पञ्चायतको संसद – ४ बाट स्वतन्त्र उम्मेदवार निशाना थापाले आफ्नो चाहना स्वच्छ समाजसंगै शिक्षित समाजको निम्ति काम गर्ने रहेको बताउनु भएको छ । कोपिस बनबस्तीमा बसोबास गर्ने युवा उम्मेदवार थापा एक स्वतन्त्र उम्मेद्वारको रुपमा चुनाव चिन्ह आप लिएर चुनावी मैदानमा हुनुहुन्छ । आफ्नो संसदभित्रको बुनियादी कामहरुसंगै गाँउसमाजको उन्नतिशील बनाउन के कस्तो कार्यहरु गर्नपर्ने सो कामहरु तीनैवटा गाँउका शुभचिन्तकहरु र बुजुर्गहरुसित परामर्श लिएर अघि बढाउने उहाको घोषणा पत्रमा उल्लेख गरिएकोछ । आफु एक स्वतन्त्र युवा उम्मेदवार भएको र जनताले फ्रेश अन टेस युवा उम्मेदवार खोजेका छन, पञ्चायतले गर्नसक्ने कार्यहरुमा आफ्नो निःस्वार्थ भाव राखेर अगाडी बढने उहाको प्रतिवद्दता छ । थापाद्वारा जारी घोषणापत्रमा सम्बन्धित निकायहरुमा हाम्रो समस्याहरूलाई पुर्याएर जतिसक्दो कार्यहरु गर्ने गराउने भनी जोड दिइएकोछ । आफुले जितेको खण्डमा कोही वृद्धहरु पेन्सनदेखि बिमुख बन्न नपर्ने थापा को दावी छ ।

सानै उमेरदेखी असाहय, अशक्त्त, वृद्ध वृद्धाहरु र अभावमा परेकोहरुलाई सेवामा लागिरहनु भएकी थापा शिक्षण पेशामा पनि आबद्द रहेको कारणले पनि बस्तीका जनताहरुको शैक्षिक समस्या र अन्य समस्याहरुलाई नजिक बाट नियालिरहेको बताउनु भएकोछ । अगामी जुलाई ८ मा हुन गैरहेको कुमाइ पञ्चायत चुनावमा आफु स्वतन्त्र उम्मेदवार को रुपमा खडा भएकाले चुनाव चिन्ह आपमा आफ्नो अमुल्य मतदान गरी बिजयी गराउन थापाको अपिल छ । पछील्लो समय नेपाल र भारतमा पनि पार्टी  दलभन्दा बाहिर रहेर स्वतन्त्र रुपमा उठेका उम्मेद्दवारले पार्टी र दलको दवाब भन्दा बाहिर रहेर बिकास मा लागिपरेको ले आफु पनि निर्वाचित भएमा कसैको दवावमा नपरी गाउ बस्तीका जनताहरुको लागी काम गर्ने उहाको प्रतिवद्दत्ता रहेको छ ।