धरान – १५ स्थित दशरथ पथ मा सिसी क्यामेरा तथा कन्भेक्स मिरर जडान गरिएको छ । दशरथ पथ टोल बिकास संस्था धरान – १५ को बिशेष पहल र स्थानीय उपभोक्त्ताहरुबाट आर्थिक संकलन गरेर रु ४ लाख बराबरको १२ वटा सिसी क्यामेरा र ३ वटा कन्भेक्स मिरर राखेर आज एक कार्यक्रम आयोजना गरी औपचारिक उदघाटन गरिएको दशरथ पथ टोल बिकास संस्थाका अध्यक्ष नबिन मेन्याङ्बोले जानकारी दिए । ९९ ओटा घर धुरी रहेको दशरथ पथमा प्रत्येक घरबाट आर्थिक संकलन गरिएको मेन्याङ्बोले जानकारी दिए । केही दिन अघी यस पथमा रहेको लाहुरे ट्रेनिङ सेन्टर , बिग फुटसल मा चोरी भएकोले असुराक्षाको महसुस गर्दै उपभोक्त्ताहरुको सल्लाहमा सिसी क्यमेरा जडान गरिएको मेन्याङ्बोले बताए ।
क्यामेराको मनिटरिङ्ग टोल बिकासको कार्यलयमा कम्प्युटर राखेर मनिटरिङ्ग गरेकोछ । सिसी क्यामेरा संगै सवारी दुर्घटना न्युनिकरणको लागी मितेरी फुटसल धरान ११ को सहयोगमा तीन ओटा कन्भेक्स मिरर पनि राखिएकोछ । कन्भेक्स मिरर , चिल्ड्रेन्स एकेडेमी छेउ , देवकोटा चौक र दशरथ पथ प्रबेश मार्गमा राखिएकोछ ।
धरान वडा नम्बर १५ का वडाध्यक्ष नरेश कुमार इवारमको प्रमुख आतिथ्यता सम्पन्न आजको कार्यक्रम मा दशरथ टोल बिकास संस्थाको कार्यालय समेत उदघाटन गरिएकोछ । उदघाटन प्रमुख अतिथी नरेश कुमार इवारम , धरान उपमहानगरपालिकाका प्रशासकिय अधिकृत गणेश प्रशाद खतिवडा , स्थानीय जनप्रतिनीधी , बिभिन्न पार्टीका नेताहरुले संयुक्त्त रुपमा गरेका थिए । उदघाटनपछी प्रमुख अतिथी इवारमले उपभोक्त्ताहरुको सकृयातामा यती ठुलो काम भएकोमा खुशी व्यक्त गरे । उनले धरानमा जनसहभागीमा बिकास हुने परम्परा भएको कुरा दशरथ पथबासीले प्रमाणित गरेको बताए ।
आजको कार्यक्रममा दशरथ पथ मा रहेका बिभिन्न संघ संस्था तथा व्यवसायीहरुलाई सम्मान गरिएको थियो । सम्मानित संस्था तथा व्यवसायीहरुमा बिग फुटसल, गोर्खा भर्ती केन्द्र , चिल्ड्रेन्स एकेडेमि, सम्याङ स्टोर , धरान किचन साथै सिसि क्यामेरा जडानका लागी १० हजार सम्म दिने उपभोक्ता दाताहरुलाई सम्मान गरिएको थियो ।