‘गोर्खा वारीयर’ कोरियन कम्पनी मुभमेन्ट पिक्चर्स कर्पले ले किन्यो

एकपछी अर्को रेकर्ड राख्दै गत फागुन ११ गतेबाट प्रदर्सनमा आएको सफल चलचित्र ‘गोर्खा वारीयर’ लाई दक्षिण कोरियाको कोरियन कम्पनी मुभमेन्ट पिक्चर्स कर्पले किनेर कोरियन भाषामा प्रदर्शन गर्ने भएको छ । चलचित्र रिलिज ताका नै कोरियन कम्पनी सँग कुरा भैरहेको बताउदा आएका निर्देशक मिलन चाम्सले सामाजिक संजाल फेसबुक मार्फत ‘गोर्खा वारीयर’ बिक्री भएको आधिकारिक जानकारी दिएका छन । उनले ‘चलचित्र कुनै बिशेष भाषा ,देश र ठाउंको लागी हुदैन । यो सवैको लागी हुन्छ, यो संसारभरिको लागी हुन्छ ।यहि नविनसोचको साथ मैले परिकल्पना गरेको थिए चलचित्र “गोर्खा वारियर” आज त्यही सपनाको एक अंश पुरा भएको छ चलचित्र “गोर्खा वारियर” कोरियन भाषामा प्रर्दशन हुने खवरले उत्साहित छु 😍यो नेपाली चलचित्रक्षेत्रको लागी एक ऐतिहासिक दिन हुनेछ सबै सबैमा हार्दिक बधाई सहित धन्यवाद । भनेर सामाजिक संजालमा लेखेका छन । अव गोर्खा वारियर संसारभर प्रर्दशन हुनेछ यसको सुरुवात कोरियाबाट भएको’ जानकारी दिएका छन । गोर्खा वारीयर हिन्दी भाषामा समेत डबिङ गरेपनी हाललाई यसबारे जानकारी दिइएको छैन ।

दोस्रो विश्वयुद्ध अन्तर्गत मलायाको युद्धमा गोर्खा सैनिकले वीरताका साथ लडेर हासिल गरेको सफलतासँगै उनीहरूको सङ्घर्षको कथा बोल्ने ‘गोर्खा वारियर’ ले नेपालमा ३ स्थानमा भव्य रेडकार्पेट गरेको थियो । यही सिनेमाबाट डेब्यू गरेका रितेश चाम्सले १२औँ नेपाल अफ्रिका फिल्म फेस्टिभलमा सर्वोत्कृष्ट नायकको अवार्ड समेत हात परेका छन । चलचित्रमा रितेशसँगै विजय लामा, रेविका गुरुङ, शिशिर बाङ्देल, कविता आले, रेयर राई, बिरूप घले, सारा राईलगायतका कलाकारको अभिनय छ । यो चलचित्रलाई अमेरिकन कम्पनीले खरिद गरिसकेकाले ७ वर्षसम्म युट्युबमा रिलिज नहुने तर हिन्दी संकरण भने ओटिटीमा रिलिज हुनेछ निर्देशक चाम्सले जानकारी दिए ।