चलचित्र ‘मालती मंगले’ को टिम इटहरीमा आउदै, रामकृष्ण ढकालले प्रस्तुती दिने

यहि बैशाख २५ गतेबाट प्रदर्शनमा आउन लागेको चलचित्र ‘मालती मंगले’ को टिम इटहरीमा आउने भएको छ । प्रतीक्षित चलचित्र ‘मालती मंगले’को गीतहरु, आधिकारिक टिजर सार्वजनिक गरिएपछि दर्शकहरुसंग प्रतिकृया लिन र दर्शकहरुलाई मनोरञ्जनात्मक कार्यक्रम मार्फत चलचित्रको प्रचार– प्रसार गर्न टिम यतिबेला कोशी पूर्वको मुख्य स्टेशन विर्तामोड,दमक र ईटहरीमा सांगेतिक कार्यक्रम सहित प्रचार–प्रसार गर्ने तयारी रहेको मिडिया कोर्डिनेटर जिवन पराजुलीले जानकारी दिए । कार्यक्रममा चलचित्रका मुख्य कलाकारहरु, विजय बराल, बर्षा राउत, मेक्सम गौडेल, गायक रामकृष्ण ढकाल र गायिका सलिना बिकले प्रस्तुती दिनेछन । कार्यक्रम ईटहरीको संगीत चौकमा बैशाख ९ गते आयोजना हुदैछ ।

गायक रामकृष्ण ढकालको निर्माण तथा प्रस्तुति रहेको यस चलचित्रले गाउँले परिवेशमा आधारित एउटा रोचक र मार्मिक प्रेमकथाको झल्को दिएको छ। केही वर्ष पुरानो ग्रामीण समाजको पृष्ठभूमिमा खिचिएको यस टिजरमा प्रेम, विश्वास र शङ्काका विभिन्न पाटाहरूलाई कलात्मक रूपमा प्रस्तुत गरिएको छ।प्रकु पाण्डेयको निर्देशनमा तयार भएको यस चलचित्रलाई रानी फिल्म्सको ब्यानरमा युनि इन्टरटेन्मेन्टको सहकार्यमा निर्माण गरिएको हो।

चलचित्रको कथा स्वयं निर्देशक पाण्डेयले लेखेका हुन् भने पटकथा तथा संवाद संयोग गुरागाईँको रहेको छ। यसअघि चलचित्रको दुई गीत ‘सुनैको सपनी’ र ‘ढुङ्गा माथि लेऊ’ सार्वजनिक भइसकेका छन्। निर्माता ढकालका अनुसार यो चलचित्र राष्ट्रकवि माधवप्रसाद घिमिरेको गीतिनाटक नभई हाम्रै समाजको परिवेशमा आधारित एक फरक साङ्गीतिक प्रेमकथा हो।

ADVERTISEMENT

चलचित्रमा विजय बराल, वर्षा राउत र मेक्सम गौडेलका साथै नरिन थापा, मान्सु सापकोटा, प्रकाश घिमिरे, सरिता गिरी, सुस्मा निरौला, सुनिल तामाङ, उमेश सुनाम, शकु शाह, सुचित्रा उप्रेती, दिनेश शाही, रिजन परियार, तारा शर्मा, गीता श्री, राज पङ्गेनी, सुस्मिता गुरुङ र सागर भट्टराईको अभिनय रहेको छ। चलचित्रका कार्यकारी निर्माता सागर ज्ञवाली हुन् भने सह९निर्माताहरूमा बाबु सुवेदी, रबिन श्रेष्ठ, वेदना कर्माचार्य, पद्मावती गुरुङ, स्वीकृति बस्नेत र मिलन बजगाईँ रहेका छन्।

प्राविधिक पक्षमा महेश पौडेलको छायाङ्कन, रोमी मोजेजको सम्पादन, कृष्ण भण्डारीको रङ्ग संयोजन र डिकेश खड्गीको ध्वनि मिश्रण रहेको छ। गीतहरूमा हर्क साउदको शब्द, एसडी योगीको सङ्गीत र रिकेश गुरुङको एरेन्ज रहेको छ भने भिडियोको कोरियोग्राफी रोशन बिकले गरेका हुन्। चलचित्र आरआर फिल्म्सले वितरण गर्नेछ।