चलचित्र ‘लालीबजार’ को ट्रेलरमा ‘वादी’ महिलाहरुको कुुुप्रथा विरुद्धमा स्वस्तिमा खडका

बर्ष २०८३ को पहिलो प्रतिक्षित चलचित्र ‘लालीबजार’ को ट्रेलर सार्वजनिक भएसंगै दर्शकहरुमा कौतुहलता जगाएको छ । चलचित्रको निर्माण घोषणा र पोष्टर सार्वजनिक संग चर्चा हुदै आएको चलचित्रको पहिलो गीत मायालाई के दिउ म बैना सार्वजनिक भएपछि झनै दर्शकहरुको प्रतिक्षाको चलचित्र बन्यो । टिजर र ट्रेलर सार्वजनिक भएपछि झनै दर्शकहरु चलचित्र हेर्न आतुर छन । सार्वजनिक भएको ट्रेलरमा देखाईएको आमा र छोरी बीचको कथालाई दर्शकले रुचाएका छन् ।

ट्रेलरमा समावेश भएका संवादहरुले झनै चलचित्रको प्रतिक्षा बढाएको छ । नेपालको वादी समुदायमा महिलाहरुले खेप्दै आएको कुसंस्कारको वास्तविक कथालाई पर्दामा उतारिएको चलचित्र लाली बजारमा बादी समुदायको महिलाको भूमिकामा अभिनेत्री स्वस्तिमा खड्काको अभिनयलाई अहिले सर्वत्र प्रसंशा मिलिरहेको छ ।उनी त्यो चलिआएको कुप्रथा विरुद्ध सशक्त रुपमा प्रस्तुत भएकी छिन ।

वादी समुदायमा छोरीहरुलाई पढाउन बन्देज रहेको कथालाई लेखक तथा निर्देशक यम थापाले गज्जवले प्रस्तुत गरेका छन । सार्वजनिक ट्रेलरमा छोरी पढाउनका लागि स्वस्तिमाले गरेको संघर्ष सहारानीय छ । सामाजिक सञ्जाल प्रयोगकर्तासँगै सेलिब्रेटीले समेत ट्रेलर र विषयवस्तुको प्रसंशा गरिरहेका छन् । षट्कोण आर्ट्सले निर्माण गरेको फिल्म ‘लालीबजार’ को ट्रेलर सार्वजनिक गरिएको छोटो समयमा नै युट्युबको ट्रेन्डिङ चार्टमा प्रवेश गर्न सफल भएको थियो ।

हाल ट्रेलर मुभी चार्टतर्फ नम्बर ३ मा रहेको छ । सार्वजनिक ट्रेलरमा देखाईएको आमा र छोरी बीचको कथालाई दर्शकले रुचाएका छन् । युट्युबमा ट्रेलर हेर्नेले यसको विषयवस्तुसँगै कलाकारको अभिनयको प्रसंशा गरेका छन् । बादी समुदायको महिलाको भूमिकामा अभिनेत्री स्वस्तिमा खड्काको अभिनयलाई अहिले सर्वत्र प्रसंशा मिलिरहेको छ ।

स्वस्तिमासँगै ट्रेलरमा देखिएका रवीन्द्र सिंह बानियाँ, बालकलाकार समाइरा थापासँगै डेब्यु कलाकारद्वय प्रशंसा सुवेदी र विशाल देवकोटाको कामलाई पनि सकारात्मक प्रतिक्रिया प्राप्त भएको छ । फिल्म आमा छोरीको कथामा आधारित छ भने बादी समुदायमा चलेको नाथिया जस्तो कु(प्रथालाई ट्रेलरमा देखाइएको छ ।

छोरी रक्षाका लागि आमाले गर्ने सङ्घर्षलाई फिल्म ‘लालीबजार’ को ट्रेलरमा देखाईएको छ । फिल्ममा स्वस्तिमा आमाको भूमिकामा छिन् । निर्माता म्याक्स दीपेश खत्री, अभिनेता रवीन्द्रसिंह बानियाँ र निर्देशक प्रदीप भट्टराईलगायत रहेको षट्कोण आर्ट्सले ‘जात्रा’, ‘जात्रै जात्रा’, ‘महापुरुष’ र ‘महाजात्रा’ जस्ता सफल फिल्म निर्माण गरिसकेका छन् । यद्यपि आगामी फिल्म ‘लालीबजार’ मा निर्देशक प्रदीप भट्टराईले निर्देशनको जिम्मा यम थापालाई दिएका छन् ।

निर्देशक थापाले ‘रज्जा रानी’, ‘हुर्रे’, ‘मेरी मामु’ जस्ता विषयप्रधान फिल्मको निर्देशन गरिसकेका छन् भने ‘कोहिनूर’, ‘अञ्जिला’, ‘परान’ लगायतका फिल्मको पटकथामा काम गरिसकेका छन् । कथाकै छलफलका क्रम निर्देशक थापासँग षट्कोण आर्ट्सको सहकार्य भएको थियो । चलचित्रको पटकथा लगभग फाइनल भएपछि छायांकनस्थल भिजिटका क्रममा निर्देशक भट्टराईले नै चलचित्रको नाम ’लालीबजार’ राख्न प्रस्ताव गरे, जसमा सबै सहमत भए ।

निर्देशक थापाले आमाछोरीको कथामा फिल्म तयार भएको बताए ।
बर्दियाको राजापुरमा छायांकन गरिएको उक्त चलचित्रमा स्वस्तिमा खड्का, रवीन्द्रसिंह बानियाँ, समाइरा थापा, मुकुन्दकुमार श्रेष्ठ, अभय बराल, प्रेम पाण्डे, प्रदीप ढकाल, आशा पौडेल, गोविन्द सुनार, आभा अर्याल, तारा शर्मा, रमेश वादी, सरस्वती अधिकारी, जानकी कठायत, निश्चल पन्थी, विरवल चौधरी लगायतको अभिनय रहेको छ ।

कार्यकारी निर्माता प्रदीप भट्टराई रहेका छन् भने म्याक्स दीपेश खत्री र रविन्द्रसिंह बानियाँ निर्माता रहेका छन् । चलचित्रको क्रिएटिभ निर्देशक जेबी रुवाली, द्वन्द्व निर्देशक सम्राट बस्नेत, छायांकन निर्देशक सुशन प्रजापती, सम्पादक मित्रदेव गुरुङ, प्रोडक्सन हेड रुपकप्रताप अधिकारी, कलर रेनिश फागो, भिएफएक्स समिर श्रेष्ठ र सत्यम राना, ब्याकग्राउण्ड म्युजिक र मिक्सिङ रोहित शाक्य र शैलेश श्रेष्ठ, कला निर्देशक उमेश चौधरी, पब्लिसिटी डिजाइनर रोयल भीमसेन ९ट्राइडेन्ट० कस्ट्युम डिजाइनर र स्टाइलिस जानकी कडायत, मेकअप काव्या थापा, सङ्गीत प्रकाश सपूत, खेम सेन्चुरी र जयन जे वाइवाको रहेको छ ।

यसै चलचित्रमार्फत विशाल देवकोटा र प्रसंशा सुवेदीले डेब्यु गर्दैछन् । विशाल थियटरमा अभिनेता र निर्देशकको रुपमा काम गरीरहेका कलाकार हुन् भने प्रसंशा जेनजी अभिनायताका रुपमा चर्चित छिन् । निर्देशक यम थापाको कथा तथा निर्देशनमा तयार भएको ‘लालीबजार’ को पटकथा र संवाद निर्देशक थापा र निर्देशक प्रदीप भट्टराईले संयुक्त रुपमा तयार गरेका हुन् । फिल्मको ट्रेलर षट्कोण आर्ट्सकै युट्युब च्यानलमार्फत सार्वजनिक गरिएको छ ।