‘महाजात्रा’ को पहिलो गीत ‘आहा क्या राम्रो भन्छन साराले’ रिलिज

पछील्लो समय निर्माण घोषणा संगै चर्चामा रहेको सफल चलचित्र ‘जात्रा’ को तेस्रो सिक्वेल ‘महाजात्रा’को पहिलो गीत सार्वजनिक भएको छ । सार्वजनिक गीतमा चर्चित गीतकार एक नारायण भण्डारी शब्द आषिस अबिरल को संगीत रहेको गीतलाई अस्मिता अधिकारी र आषिसले स्वर दिएका छन । ओेएसआर डिजिटलको अफिसियल युटुब च्यानलबाट सार्वजनीक भएको गीतमा चर्चित डान्सर आस्मा विश्वकर्मा र अरुण क्षेत्रीले कम्मर मर्काएकाछन । बलिवुडको सेटलाई मात खुवाउने सेट तयार गरेर खिचिएकोको गीतमा चलचित्रका मुख्य कलाकारहरु बिपिन कार्की , बर्षा राउत, रबिन्द्र सिंह बानिया र रबिन्द्र झाले पनि कम्मर मर्काएकाछन । गीतलाई अचर्चित कोरियोग्राफर कबिराज गहतराजले कोरियोग्राफी गरेका छन । गीतमा जात्राको पहिलो सिक्वेल देखीनै संगै देखिदै आएका चार पात्र फणीन्द्र (विपिन), जोएश भाई (रवीन्द्र बानियाँ), सुन्तु बर्षा राउत र मुन्ना (रवीन्द्र झा)ले पनि बढो रोमान्टिक मुडमा कम्मर मर्काएछन । आज सार्वजनीक भएको गीत लोक भाकामा रहेको निकै क्याची शब्दहरुले सबै दर्शकको ध्यान खिचेको छ ।

जात्रा’ र ‘जात्रै जात्रा’ को व्यावसायिक र समीक्षात्मक सफलता पश्चात षट्कोण आर्ट्सको निर्माणमा तेस्रो शृङ्खला ‘महाजात्रा’ मा जीवन समृद्ध तुल्याउने सपना र आपतकालीन रूपमा प्राप्त हुने अवसर व्यवस्थापन गर्दा आइपर्ने समस्यालाई रोचक रूपले प्रस्तुत गरिएको कार्यकारी निर्माता तथा कलाकार रबिन्द्र सिंह बानियाले जानकारी दिए । ‘महाजात्रा’ ले जीवन समृद्ध तुल्याउने सपना र आपतकालीन रुपमा प्राप्त हुने अवसर व्यवस्थापन गर्दा आइपर्ने समस्यालाई रोचक तरिकाले प्रस्तुत गर्ने सिंहको दावी छ । सिनेमामार्फत प्रस्तुत गर्दै आएको भावमै रहेर कथा तयार गरिएको अर्थात् सिनेमामा हासो र रोदनको मिश्रण रहेको निर्देशक प्रदीप भट्टराई बताउछन । अर्गानिक र यथार्थलाई प्रस्तुत गरिएकै कारण यो शृङखला दर्शकको प्रिय बन्नेमा निर्माण टिम ढुक्क छ । सिनेमामा अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको पनि अभिनय रहने छ । म्याक्स दीपेश खत्रीका अलवा यज्ञश्वर पौडेल निर्माता रहेको सिनेमाको अन्तर्राष्ट्रिय प्रदर्शन अधिकार एमएसएम इन्टरटेनमेन्टले खरिद गरिसकेको छ ।आगामी चैत ९ गते ‘महाजात्रा’ नेपालसँगै विश्वभर एकसाथ प्रदर्शन हुनेछ ।