अरुण र सृष्टिको ‘प्रेमा’ चैत्र १७ मा रिलिज हुने

सुपर हिट फिल्म ‘महापुरुष’ बाट उदायका नायक अरुण क्षेत्री र मिस नेपाल सृष्टि श्रेष्ठको मुख्य भूमिका रहेको फिल्म ‘प्रेमा’ को फर्स्ट लुक्स सार्वजनिक भएकोछ । मञ्जरी’, ‘लभ यू बाबा’, ‘हैरान’, ‘मेरो पैसा खै’, ‘गाँजाबाजा’ र ‘चिनी कम रङ कडा’ जस्ता फिल्ममा सह निर्देशन र ‘रणवीर’ बाट निर्देशकको रुपमा डेव्यु गरेका निर्देशक गोविन्द सिंह भण्डारीको लेखन तथा निर्देशन रहेको फिल्म ‘प्रेमा’ को फर्स्टलुक्स सँगै रिलिज मिती पनि घोषणा गरिएकोछ ।त्रिकोणात्मक प्रेम कथामा आधारित रहेको फिल्म ‘प्रेमा’ यही चैत्र १७ गते रिलिज हुँदैछ ।

फस्टलुकमध्ये एकमा फिल्मका प्रमुख कलाकार अरुण क्षेत्री, सुभेक्षा खड्का र सृष्टि श्रेष्ठलाई प्रस्तुत गरिएकोछ । फिल्मलाई निर्देशक गोविन्द र लेखक तथा निर्देशक विवेक घिमिरेले मिलेर निर्माण गरेकाछन । ‘प्रेमा’ मा अरुण, शुभेक्षा र सृष्टिका संगै विमला केसी, हिउँवाला गौतम, पुरण जोशी, सबिन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया(काजु)को अभिनय रहेकोछ ।\