मङ्सिर ४ गते सम्पन्न प्रदेशसभा र प्रतिनिधि सभाको निर्वाचनको यतिबेला मत गणना जारी छ । तर देशका प्रमुख दलहरु नेपाली काङग्रेस , नेकपा एमाले तथा नेकपा माओवादी केन्द्र भने हाल सम्म यथास्थानमै रहेकाछन । अहिले नेपाली काङग्रेस पहिलो , नेकपा एमाले दोस्रो र नेकपा माओवादी केन्द्र तेस्रो स्थानमा मत परिणाम प्राप्त भएकोछ । यी तिनै पार्टीका अध्यक्षहरु निर्वाचित भै सकेकाछन । तिनै अध्यक्षहरु नेपाली काङग्रेसका सभापती तथा प्रधानमन्त्री शेरबहादुर देउवा , एमाले अध्यक्ष केपी शर्मा ओली र माओवादी अध्यक्ष पुष्प कमल दाहाल प्रचण्डले एक अर्कालाई फोन मार्फत बधाई दिएकाछन । तर बिहीबार दिउँसो प्रचण्डलाई देउवा र ओलीको बेग्ला बेग्लै समयमा फोन गरेको प्रचण्डको सचिवालयले जनाएको छ ।
केपी कमरेडले सिएमलाई दिउँसो फोन गर्नुभयो , केपी कमरेडले विगतमा जे जस्तो भएपनि अब समीक्षा गरेर मिलेर जान प्रस्ताव गर्नुभयो’ प्रचण्डको सचिवालय स्रोतले भन्यो– ‘सिएमले गठबन्धनको नतिजा सबै आइसकेको छैन । त्यसपछि मात्रै कुरा गरौंला भन्नुभयो । यसैगरी प्रधानमन्त्री देउवा र प्रचण्डवीच समेत बधाई साटासाट भएको प्रचण्डको सचिवालयले जनाएको छ । चुनावको सबै नतिजा आएपछि गठबन्धनलाई अझ बलियो बनाएर लग्ने विषयमा प्रचण्ड र देउवाबीच कुराकानी भएको सचिवालयले जनाएको छ । यसरी ओली र देउवाको कल आएपछी फेरी पनि नयाँ सरकार बनाउनलाई प्रचण्ड नै निर्णयक शक्ती भनी स्पस्ट देखिएकोछ ।
