बराहक्षेत्रकी एन्जिला बनिन तेस्रो एस.ई.ई.स्पिकर – २०८०

र्याडीकल लाइट नेपाल धरानले आयोजना गरेको एस.ई.ई.स्पिकर, सिजन-३ को बिजेता बराहक्षेत्र नगरपालिका स्थित बाल मन्दिर नडाहाकी एन्जिला कार्की बनेकिछिन । शनिबार वडा नम्बर १३ धरानको सभाहलमा सम्पन्न फाइनल प्रतियोगीतामा कार्की बिजेता बनेकी हुन । सेकेण्ड रनरअप सरस्वती मावि पानमारीकी स्नेहा निरौला र थर्ड रनरअप सान्त्वना पुरस्कार चन्द्र संस्कृत माविका सागर दाहाल बनेका छन । उनिहरुले क्रमस पुरस्कार स्वरूप नगद २० हजार रुपैयाँ साथै प्लस टु पढ्न पूर्ण छात्रवृत्ति, दोस्रो हुनेले नगद १५ हजार रुपैयाँ, प्लस टु अध्ययनमा ७० प्रतिशत छात्रवृत्ति, तेस्रो हुने ले नगद १० हजार रुपैयाँ, प्लस टु अध्ययनमा ६० प्रतिशत छात्रवृत्ति, शान्तावना हुनेले नगद ५ हजार रुपैयाँ, प्लस टुमा ५० प्रतिशत छात्रवृत्ति प्राप्त गरेका छन ।

बिधार्थीहरुको लागी अन्य बिधामा प्रतियोगीता हरु भएपनी भाषण गर्ने कलाभएकाहरुको लागी प्रतियोगीताहरु कम भएकाले उनिहरुको इच्छालाई सम्मान गर्दै बिगत ३ बर्षदेखी प्रतियोगीता आयोजना गरिएको र अगामी दिनहरुमा अझै परिस्क्रित ढङ्गले आयोजना गर्दै लैजाने र्याडिकल नेपालका संचालक तिर्थ कार्कीले जानकारी दिए । कार्यक्रमका प्रमुख अतिथी शिक्षा मन्त्री अशोक राईले “बिद्यार्थीका प्रतिभालाई मलजल गर्दै जानु पर्ने आग्रह गरे । साथै बिधार्थीहरुमा भएको अन्तर्निहित प्रतिभाहरुलाई बाहिर निकाल्न यस्ता प्रतियोगीताहरुले सहयोग गर्ने बताए ।

प्रतियोगितामा बेस्ट परफरमेन्स जनता मावि नडाहाकी अनिता कार्की, बेस्ट टेयालेन्ट धरान आदर्श बोर्डिङ माविका सुदर्शन ढुङ्गेल, मस्ट सिन्सियर सरस्वती माविकी बिपना मग्राति घोषित भए । मस्ट पङ्चुअल जडेजा मावि कालाबन्जारकी मुना कटुवाल, मस्ट एक्टिभ सरस्वती माविका दिनेश खरेल, मस्ट डिसिप्लिन नबोदय विद्या मन्दिरकी सोप्रीया राई घोषित हुनु भयो भने उहाँहरुले प्रमाणपत्र र प्लस टुमा ३० प्रतिशत छात्रवृत्ति प्राप्त गरेका छन । अन्तिम प्रतिस्पर्धा तथा समापनमा प्रमुख अतिथि शिक्षा मन्त्री अशोक राईले प्रतियोगीहरूलाई पुरस्कार प्रदान गरेका थिए । धरान –१३ का वडाध्यक्ष नेत्र प्रसाद काफ्ले, वडा १४ का अध्यक्ष कृष्ण प्रसाद लगायतले शुभकामना दिनु भएको थियो । प्रतियोगिताको निर्णायकहरूमा महेन्द्र क्याम्पसका उपप्राध्यापक राजेश विद्रोही, शहिद स्मृति माविका शिक्षक टङ्क प्रसाद भट्टराई रहेका थिए । जेठ २० गते भएको सेमिफाइनलबाट उत्कृष्ट १० जना फाइनलमा प्रवेश गरेका थिए ।