आन्तरिक मामिला तथा कानुन मन्त्रालय कोशी प्रदेशले आयोजना गर्ने ‘कोशी चलचित्र महोत्सव -२०८१’ यही जेठ ६ गतेबाट हुने भएको छ । मन्त्रालयको संचार बिभागले आयोजना गर्ने चलचित्र महोत्सव मंत्रालयको स्वीकृत बार्षिक कार्यक्रम अनुसार हो । ‘चलचित्र महोत्सव २०८१ को लागी आफ्नो चलचित्रहरु सहभागी गराउन मन्त्रालय आज एक बिज्ञप्ती निकालेर चलचित्रकर्मीहरुलाई आह्वान समेत गरेको छ । महोत्सव को उद्द्घाटन झापाको बिर्तामोडमा हुनेछ भने बाकी सम्पूर्ण कार्यक्रम हरु कोशी प्रदेशको राजधानी बिराटनगरमा हुने चलचित्रकर्मी महासंघ कोशी प्रदेशका अध्यक्ष अरुण कुमार प्रधानले जानकरी दिएकाछन । प्रधानका अनुसार अहिले कोशी प्रदेशका चलचित्रकर्मीहरुले निर्माण गरेका चलचित्रहरुलाई महोत्सवमा सहभागी गराउन चलचित्रहरुको मापदण्ड सहित दर्खास्त आह्वान गरिएको छ, केही दिनमा पत्रकार सम्मेलन आयोजना गरी महोत्सवको बारेमा जानकारी गराइने छ ।

मंत्रालयको स्वीकृत बार्षिक कार्यक्रम अनुसार ” चलचित्र महोत्सव २०८१”
सहभागी चलचित्रहरुको मापदण्ड निम्न रहेका छन ।
क) चलचित्र वि.सं. २०७९ र २०८० मा निर्माण भएको हुनुपर्ने ।
ख) चलचित्र कोशी प्रदेशमा बनेका नेपाली, आदिवासी जनजाती, मैथली तथा कोशी प्रदेशमा बसोबास गर्ने अन्य कुनैपनी जातिको भाषामा निर्माण भएको हुनु पर्ने छ ।
ग) महोत्सवमा निम्न बिधाका चलचित्रहरु सहभागी हुन पाउने छन ।
i) कोशी प्रदेश फिचर फिल्म ।
ii) कोशी प्रदेश शर्ट फिल्म ।
iii) कोशी प्रदेश वृत्तचित्र ।
iv) नेपालि चलचित्र ( National feature film) जसले कुनै न कुनै आधारले कोशी प्रदेश संग प्रत्यक्ष सम्बन्ध राख्छ । त्यस्ता चलचित्रहरुमा निम्न आधार पुगेको हुनुपर्छ
क) चलचित्रको निर्माता कोशी प्रदेशको भएमा ।
ख) चलचित्रको मुख्य पात्र नायक नायिका कोशि प्रदेशको भएमा ।
ग) चलचित्र निर्देशक कोशि प्रदेशको भएमा ।
घ) कम्पनी दर्ता कोशी प्रदेशको भएमा ।
ङ) चलचित्रको ४० प्रतिशत छयांकन कोशि प्रदेशमा भएमा ।निवेदन दिदा खुलाउनु पर्ने बिषयहरु
१) चलचित्रको नाम २) निर्माण भएको बर्ष
३) चलचित्रको समय अवधी ।
४) भाषा/ समुदाय ५) लेखकको नाम
६) निर्देशकको नाम र ठेगाना ७) निर्माताको नाम र ठेगाना । ८) छयांकन स्थल ९) मुख्य कलाकारको नाम
१०) निर्माण भएको कम्पनिको नाम र ठेगाना
११) सम्पर्क व्यक्तिको नाम र ठेगाना
१२) सम्पर्क व्यक्तिको मो.नं. ईमेल
१३ चलचित्रको कथासार (२०० शब्दमा नबढाई)






सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।