निर्माता निर्देशक सन्तोष सेन र दिपकराज गिरीवीच भेटवार्ता

नेपाली चलचित्र क्षेत्रका दुई दिग्गज निर्माता , निर्देशक तथा कलाकारद्वय सन्तोष सेन र दिपकराज गिरी बिच भेटवार्ता भएकोछ । नेपाली टेलीसिरियल हुँदै चलचित्र क्षेत्रमा जमेका लेखक निर्दशक, निर्माता ,कलाकार दिपकराज गिरी र पछील्लो समय नेपाली चलचित्रलाई उचाइ दिन नेपाली चलचित्र क्षेत्रलाई अन्तरराष्ट्रिय बजारमा पुर्याउन लागी परेका आसुसेन फिल्मसका अध्यक्ष निर्माता निर्देशक ,कलाकार सन्तोष सेन बिच भेट भएको कुरा सेनले आफ्नो सामाजिक संजाल फेसबुक मार्फत जानकारी दिएका छन । सेनको फेसबुक पोस्टमा “समाजको घटना परिघटनालाई टपक्क टिपेर सानो समाज निर्माण गरी हामी र हाम्रो वरिपरीको व्यवस्था महसुस गराएर आम दर्शकलाई हिट् गर्न सफल व्यक्तित्व अनी कला,मनोरंजन संगै चलचित्रलाई व्यापारिक बनाउन खप्पिस् दीपक दाई संग चलचित्र योजना र संगठित हुदाको प्रतिफल र दर्शकलाई कला मार्फ़त दिन सकिने योगदानको विषय मा गहिरो छलफल गरियो है।  ” भनेर उल्लेख गरिएकोछ ।

पछील्लो समय नेपाली चलचित्र बजारमा सफल चलचित्र दिएका दुई ब्यानर दिपकराज गिरीको आमा सरस्वती मुभिज र सन्तोष सेनको आसुसेन फिल्मसले अगामी दिनमा गर्ने प्रोजेक्टहरुमा सहकार्य गर्ने बारे पनी छलफल भएको आसुसेन फिल्मका सदस्य पत्रकार सुदिप पौडेलले जानकारी दिए । पौडेलका अनुसार नेपाली चलचित्रलाई नेपालकै दर्शकहरु सम्म कसरी पुर्याउने र यसलाई कसरी उचाइ दिन सकिन्छ भन्ने बिषयमा घनिघुत छलफल भएको र अगामी दिनमा एक भएर सहकार्य गर्ने बिषयमा छलफल भएको थियो । छलफलमा कलाकार तथा निर्माता निर्मल शर्मा कलाकार प्रेम पुरी पनी उपस्थित थिए ।