‘माइतीघर’ कलाकार धीरज , रिस र आक्रोश को भाव सहित मोटर साइकल हुक्याउदै

यही दसैंको फुलपातीबाट प्रदर्शनमा आउन लागेको चलचित्र ‘माइतीघर’ का मुख्यकलाकारहरुको क्यारेक्टर लुक्स तस्विरहरु एक पछी अर्को गर्दै शुटिङ सेटबाटनै बाहिर न थालेको छ । केहीदिन अघी सम्म हास्यअभिनेता केदार घिमिरे माग्ने बुढाको बिभिन्न फरक क्यारेक्टरमा तस्विर सार्वजनिक भएको थियो ।

त्यसपछी चलचित्रको अन्तिम क्लाइमेक्स सिन खिच्दा कलाकारहरुको रुवावासीनै चलेको थियो । त्यही क्लाइमेस्क सिनको एक सिन हुन सक्छ धीरज मगरको पनि लुक्स बाहिरिएको छ । सार्वजनिक तस्विरमा अभिनेता मगरले मोटरसाइकल चलाइरहेका छन् भने उनको अनुहारमा रिस र आक्रोश को भाव देखिन्छ । यता सो मोटरसाइकलको पछाडि बसेका माग्नेबुढा अलि अत्तालिदै रहेको अवस्थामा देखिएका छन् ।

मिलन तामाङले निर्देशन गरिरहेको यस चलचित्रको छायांकन सुसन प्रजापतिले गर्दैछन् । रोहित अधिकारी फिल्म्सको प्रस्तुतिमा निर्माण भइरहेको यो फिल्ममा रोहित अधिकारी, रविन शेरचन र धीरज तामाङ निर्माताका रूपमा छन् । चलचित्रमा धीरज मगर, केदारप्रसाद घिमिरे ‘माग्ने बुढा’ सँगै प्रकाश सपुत, उपासना सिंह ठकुरी, श्यामाश्री शेर्पा, बुद्धि तामाङ, शिशिर बाङ्देल लगायतका चर्चित कलाकारहरूको अभिनय रहेको छ ।