तोकिएको मिती भन्दा दुईहप्ता पछाडी अर्थात जेठ ३० गतेबाट ‘महाभोज’ प्रदर्शनमा आउने

पछिल्लो समयको बहुप्रतिक्षित चलचित्र ‘महाभोज’ जेठ १५ गतेबाट प्रदर्शनमा आउने भनिएपनी देशको राजनीतिक अवस्थालाई हेरेर निर्माण टिमले अनिस्चितकालिन स्थगित गरिएको थियो । अब भने चलचित्र यही जेष्ठ ३० गतेबाट प्रदर्शनमा आउने भएको छ । विविध कारणबस प्रदर्शन रोक्न परेतापनी चलचित्रका निर्देशक दिनेश राउतले दर्शकको धैर्य र समर्थनका लागि आभार प्रकट गरे ।”हामीले धेरै

मिहिनेतका साथ तयार पारेको चलचित्र ‘महाभोज’ केही विशेष परिस्थितिका कारणले निर्धारित मितिमा रिलिज गर्न सकेनौँ । दर्शकहरूप्रति यसबाट असहजता सिर्जना भएकोमा हामी क्षमा प्रार्थी छौँ निर्देशक राउतले थपे । ‘महाभोज’ हाम्रो समाजको कथा हो, तपाईँहरूको साथ र मायाले मात्र हामी सफल हुन्छौँ । त्यसैले यही मितिमा नजिकको हलमा ‘महाभोज’ हेर्न नबिर्सिनु होला निर्देशक राउतले अनुरोध समेत गरेकाछन ।

चलचित्र ‘महाभोज’ मा समावेश कथा, प्रस्तुति शैली र कलाकारहरूको अभिनयले दर्शकमा चासो पैदा गरिरहेको छ। यस चलचित्रमा दयाहाङ राई, आर्यन सिग्देल, खगेन्द्र लामिछाने, अञ्जना बराइली, मलिका महत, गौमाया गुरुङ, वसुन्धरा भुसाल, मोहन निरौला लगायतका प्रमुख अभिनय रहेको छ ।क्लक वर्क क्रियसन र पिक्चर फ्रेमको प्रस्तुतिमा बनेको यस चलचित्रका निर्माता हिमाल कडरिया हुन् ।

चलचित्रको ट्रेलर रिलिज भैसकेपछी दर्शकहरुले चलचित्रलाई सहकारी पीडितको कथा भनेर आकलन गरेपनी सहकारी पीडितको कथा मात्र नभएर अत्यन्तै मनोरञ्जक समेत रहेको निर्माण टिमको दावी छ । चलचित्रमा दयाहाङ राई, आर्यन सिग्देल, खगेन्द्र लामिछाने, अञ्जना बराइली, मलिका महत, गौमाया गुरुङ, वसुन्धरा भुसाल, मोहन निरौला लगायतका प्रमुख अभिनय रहेको छ ।