‘पाचौ मिस्टर कोसी खुल्ला शारिरीक सुगठन प्रतियोगिता २०८०’ चैत्रमा हुने

एलाइनेट जिम धरान १५ को २१ औ प्रस्तुति ‘पाचौ मिस्टर कोसी खुल्ला शारिरीक सुगठन प्रतियोगिता २०८०’ आयोजना हुने भएको छ । प्रतियोगीताबारे जानकारी दिन बुधवार आयोजित पत्रकार सम्मेलनमा प्रतियोगीताको तयारी पुरा भएको जानकारी दिएको छ । प्रतियोगीता अगामी चैत्र २३ र २४ गते दुइदिन आयोजना हुँदैछ । प्रतियोगीतामा ३० जना खेलाडीहरुले सहभागीता जनाउने आयोजकले जनाएकोछ । पहिलो दिन प्रिजजिङ्ग राउण्डमा एक वजन समुहवाट जम्मा ६ जनामात्र खेलाडी छनौट गरिनेछ । प्रत्येक वजन समुहवाट जम्मा पाँच वटा वजन समुह गरी जम्मा ३० जना खेलाडीहरु मात्र फाइनल प्रतियोगितामा समावेश गराइनेछ ।

फाइनल प्रतियोगितामा प्रत्येक वजन समुहका खेलाडीहरुलाई प्रतिस्पर्धा गराई प्रथम, दोस्रो, तेस्रो, चौथौ, पाचौं र छैटौंसम्म छनौट गरिनेछ । त्यही वजन समुहका प्रथम विजयी खेलाडीहरुलाई मात्र पुनः ओभरअल राउण्डमा समावेश गराइनेछ । ओभरअल राउण्डमा जम्मा पाँचजना विजयी खेलाडी मात्र पुग्नेछन् । त्यही विजयी खेलाडीहरुलाई पुनः प्रतिस्पर्धा गराई प्रथम, दोस्रो, तेस्रो, चौथो र पाचौं विजयी छनौट गरिनेछ । ओभरअल राउन्डमा प्रथम हुने विजयी खेलाडीलाई पांचौ मिस्तर कोशी २०८० घोषित गरिनेछ । त्यसैगरी दोस्रो र तेस्रों खेलाडीहरुलाई क्रमश: रनरअप घोषित गरिनेछ, चौथो र पाँचौलाई सानत्वना घोषित गरिनेछ आयोजक एलाइनेट जिमका अध्यक्ष विक्रम लिम्वुले जानकारी दिए ।

प्रतियोगीता जम्मा २ दिन हुनेछ । पहिलो दिन प्रि-जर्जिङ्ग र दोस्रो दिन फाइनल च्याम्पियनशिप प्रतियोगिता हुनेछ । प्रतियोगिताको वजन क्रमशः समुह ५५ केजी, ६० केजी, ६५ केजी, ७० केजी र ७५ केजी वजन समुह रहने लिम्बुले जानकारी दिए । आयोजकका अनुसार प्रत्येक वजन समुहमा प्रथम, दोस्रो, तेस्रो हुनेहरुलाई ट्रफी, कप, मेडल र प्रमाण-पत्र प्रदान गरिनेछ । साथै सबै ओभरअल समुहमा प्रथम, द्वितीय, तृतीय, चौथो र पाचौ हुनेलाई क्रमशः रु १,१०,०००, ५०,०००, ४०,०००, ३०,०००, २०,०००, नगद पुरस्कार प्रदान गरिनेछ साथै इन्डिभिज्युल विजेताहरुलाई जनहि ५,००० नगद पुरस्कार साथै मेडल र ट्रफी प्रदान गरिनेछ भने जस अर्न्तगत बेस्ट पोजर, मस्कुलर मेन, मोस्ट इम्पुभ, बेस्ट टिम शिर्षकमा पुरस्कृत गरिने आयोजकले जनाएकोछ । प्रतियोगीताको जम्मा लागत आठ लाख पैसठ्ठी हजार रहेको छ । प्रतियोगीता धरान १३ स्थित अमर सेवा समाजको कबर्डहलमा हुनेछ ।