‘हात्ती छाप’ ट्रेलर रिलिज, पृथ्वी नारायण शाहको चर्चा देखी निर शाहको भोइस

केही समय नेपाली चलचित्र हेर्न नपाएका दर्शकले अब गज्जबको चलचित्र हेर्न पाउने भएकाछन । यही माघ २६ गतेबाट प्रदर्शनमा आउन लागेको चलचित्र ‘हात्तीछप’ यस बर्षको प्रतिक्षित चलचित्र मा पर्दछ । चलचित्र पोस्टर रिलिज भएदेखी चर्चामा रहेको ‘हात्तीछप’ को को टिजर ,गीतलाई दर्शकले झनै रुचाएकाछन । गीतको चर्चा सेलाउन नपाउदै चलचित्रको ट्रेलर आज रिलिज भएको छ । ट्रेलर ओेएसआर डिजिटल को अफिसियल च्यानलबाट रिलिज भएकोछ । पछील्लो समय चलेका कलाकारहरुको जम्बो टिम लिएर किरण नेपालीले निर्माण गरेको ‘हात्तीछाप’ को ट्रेलरमा फिल्मका मुख्य कलाकारहरु सबै अटाएकाछन । फिल्म मुख्य कलाकारहरुमा सुपर हिट चलचित्र २ नम्बरीका अधिकांश कलाकारहरु मुख्य भूमिकामा दोहोरिएकाछन ।

फिल्मका रिलिज ट्रेलरमा ल्वाङ गाउँको अर्गानिक प्रेमकथा देख्न सकिन्छ । ट्रेलरका केही सम्वादमा नेपाल एकिकरण गर्ने पृथ्वी नारायण शाहको चर्चा रछेकोछ भने बरिष्ठ कलाकार निर शाहको आवाजमा मुख्य कलाकार सौगात मल्ल बोलेका छन । उनले निर शाहको आवाज हुबहु बोलेका छन त्यसैले पनि अझ बढी रोचक बनेकोछ । नायक सौगात मल्लको ‘बोतल राजा’को गेटअपले दर्शकलाई मनोरञ्जन प्रदान गर्ने देखिन्छ ।

फिल्ममा दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्धि तामाङ, विजय बराल, कमलमणी नेपाल, पुष्कर गुरुङ, कविता आले, विल्सन विक्रम राई, विनोद न्यौपाने, भोलाराज सापकोटा, सुष्मा निरौला, रेयर राई, विशाल पहारी, सविन बास्तोला लगायतका कलाकारको अभिनय छ ।प्रदीप भारद्वाजको लेखनमा तयार भएको फिल्ममा सुशन प्रजापतिको छायांकन, निमेष श्रेष्ठको सम्पादन, देव महर्जनको एक्सन, आर्टमान्डुको संगीत, रामजी लामिछानेको कोरियोग्राफी छ ।फिल्मका प्रोडक्शन हेड सुरज आचार्य हुन् । पुष्कर गुरुङ, अमला देवी राई र जय श्रेष्ठ निर्माता रहेको फिल्मका कार्यकारी निर्माता सरोज नेपाली हुन् । रेड बर्ड प्रोडक्शनको व्यानरमा यो फिल्म निर्माण भएको हो ।माघको २६ गतेबाट देसभर एकसाथ प्रदर्शनमा आउँदैछ ।