श्रीमानलाई डिभोर्स दिन अस्विकार गर्दा आफन्तले नै तडपाइ तड्पाइ मारे चुनुकुमारीलाई

गत चैत्र २५ गते सोमवार दिउसो फेला परेको शवको पहिचान खुले संगै हत्यामा संलग्न ६ जनालाई आज प्रहरीले आज सार्वजनिक गरेको छ । हत्यामा संलग्नहरु आफन्तनै रहेको प्रहरी अनुसन्धानले देखाएको छ । वैदेशिक रोजगारको शिल शिलामा कोरियामा रहेका श्रीमान प्रेम प्रेम बहादुर बुढाथोकी कै योजनामा ३४ वर्षीया श्रीमती चुनुकुमारी दाहाल बुढाथोकीको हत्या भएको प्रहरीले जानकारी दिएको छ । चुनुकुमारी हत्याको मूल कारण श्रीमान् श्रीमती बिचको मनमुटाबले डिभोर्स दिन नमान्दा सुनियोजित रूपमा भएको सुनसरीका एसपी सुमन तिम्सिनाले जानकारी दिए ।

आज सार्वजनिक गरिएका कोरियामा रहेका चुनकुमारीका श्रीमान् प्रेमप्रेम बहादुर बुढाथोकी लाई नेपाल प्रहरीले कोरियाबाट वैशाख ३ गते नेपाल झिकाई अन्तर्राष्ट्रिय विमानस्थल काठमाडौँबाट पक्राउ गरेको हो । उनलाई आज विराटनगर वाट सुनसरी जिल्ला अदालतमा म्याद थप गरी सार्वजनिक गरिएको छ ।हत्यामा संलग्न योजनाकारका भाइ ढकेन्द्र बुढाथोकी, बुहारी सृष्टि बुढाथोकी, कान्छा ज्वाइँ योगेन्द्र गौतम, कान्छी बहिनी डेनु गौतम, सहयोगी केशवराज दाहाललाई प्रहरी सार्वजनिक गरेको छ । हत्यामा संलग्न फुपूका छोरा भारतीय नागरिक राजु थापा फरार छन् ।

एसपी तिम्सिनाका अनुसार चुनुकुमारीलाई ज्वाँई नाता पर्ने योगेन्द्र गौतमले स्कुटर सिकाउने भन्दै प्रस्ताव गरेपछि चुनुकुमारीले श्रीमानसँग सोधिन् । श्रीमानले जाऊ भनेपछि मृतक चुनुकुमारीलाई झुक्याएर धरानको जङ्गल पुर्‍याइयो ।जङ्गलमा पुगेपछि घाँटीमा झोलाको फित्ताले घाँटीमा बाँधेर अत्यधिक कुटपिट गरेको देखिन्छ । कुटपिट गर्दा करङ भाँचिदिएको र घिस्राउँदै रुखको फेदमा बाँधी हत्या गरेको प्रहरीको प्रारम्भिक अनुसन्धानले देखाएको छ ।

मृतक चुनकुमारीको शव धरान-६ पञ्चकन्या जङ्गलमा गत सोमवार अर्धनग्न अवस्थामा प्रहरीले फेला पारेको थियो ।
महालक्ष्मी नगरपालिका-१ माइती भएकी चुनकुमारी दाहाल बुढाथोकी विगत दुई वर्षदेखि इटहरीको हलगडामा डेरामा बसेर छोरालाई पढाउँदै आएको प्रहरी अनुसन्धानबाट खुलेको छ ।