२५ औ गोधुली रनिङ कपमा वडा नम्बर ५ को बिजय सुरुवात

धरानको खेलकुदको इतिहासमा पहिलो पटक रात्रीकालिन २५ औँ टेस्टी टेस्टी गोधुली फुटबल रनिङ कप बिहिवार देखी धरानमा सुरु भएको छ ।उद्वाटन कार्यक्रममा प्रमुख अतिथी धरान १७ नम्बर वडाका वडा अध्यक्ष मनोज भट्टराईले धरानमा पहिलो पटक रात्रीकालिन फुटबल प्रतियोगिता गराएर गोधुली क्लवले ईतिहास रचेको बताउनु भयो। सो उद्वाटन कार्यक्रमामा धरान १७ कै पुर्ण राई दाजुभाईले चर्चित गीत गाएर उपस्थीत दर्शकलाई मनोरन्जन दिएका थिए।

धरान १६ स्थित रङ्गशालामा सुरु भएको प्रतियोगिताको उद्घाटन खेलमा वडा नं ५ विजयी भएको छ । खेलको पहिलो हाफको १६ औ मिनेटमा वडा न ५ को तर्फबाट जर्सि न २३ का सुजन इङ्गनामले १ र खेलको दोस्रो हाफको २२ औ मिनेटमा वडा न ५ का जर्सि न ११ का तिल बिक्रम लावतिले थप १ गोल गरेपछि गत संस्करणको उपविजेता वडा नं १६ लाई २–१ गोलले हराउँदै वडा ५ दोस्रो चरणमा प्रवेश गरेको छ ।

निकै नै प्रतिस्पर्धात्मक खेलमा वडा १६ का जर्सी न ११ का सरुन श्रेष्ठ खेलको पहिलो हाफकै २६ औ मिनेटमा गोल गर्दै खेल बराबरीमा ल्याए पनि आफ्नो टीमलाई हार हुन बाट जोगाउन सकेन ।आजको खेलको म्यान अफ दि म्याच वडा न ५ का जर्सि न ११ का तिल बिक्रम लावति घोषित हुँदै उनले नगद १५ सय र मेडल प्राप्त गरे । भोलि बेलुकी ६ बजे धरान १० र धरान १२ बिच खेल हुनेछ।