धरानको बगरकोटमा ११ दिने ‘धरान म्युजिक जात्रा’ साँस्कृतिक महोत्सव हुने

पुर्वकै सुन्दर नगरी धरानको पर्यटकीय स्थल धरान १५ को बगरकोट मा १५ दिने ‘धरान म्युजिक जात्रा’ साँस्कृतिक महोत्सव हुने भएको छ । द नेचर क्लब धरान, निशान त्रिवेणी टोल बिकास संस्था धरान १५ को संयुक्त्त आयोजनामा हुन लागेको जात्रा पौष ७ गतेदेखी १७ गतेसम्म ११ दिन सम्म चल्ने क्लबका अध्यक्ष कृष्ण राईले जानकारी दिए । त्रिवेणी महिला समुह धरान १५ सह आयोजक रहेको छ भने संयोजक धरान १५ वडा कार्यालय रहेको छ ।

धरान १५ का वडाध्यक्ष नरेश इवारमको प्रमुख आतिथ्यतामा बिहिवार पत्रकार सम्मेलनगरी महोत्सवबारे जानकारी गराइएको हो । साझाको समयमा प्राय व्यस्त रहने धरानको बगरकोट एभरेस्ट लाईंनमा रहेको भलिवल मैदानमा आयोजना हुने महोत्सव बिसुद्द सांगितिक हुने आयोजकको भनाइ छ । महोत्सव अवधीभर राष्ट्रिय तथा स्थानीय कलाकारहरूको सांगितिक प्रस्तुती रहने आयोजकले जनाएको छ ।

४ बजे भन्दा अगाडी दिउँसो प्रवेश निःशुल्क, र ४ बजेपछि कालाकारहरू अनुसार शुल्क ३ सय सम्म हुनसक्ने आयोजकको भनाइ छ । महोत्सव अवधीभर दैनिक रुपमा फरक फरक कलाकारहरुले प्रस्तुती दिनेछन । महोत्सवका लागी सविन राई, ज्योति मगर, आस्था राउत, एकदेव लिम्बू, द एलिमेन्ट, समीर श्रेष्ठ, ट्राइवररेन (सिक्कीम), अनमोल गुरुङ (कालिम्पोङ) लगायत साङ्गीतिक व्याण्डहरुको प्रस्तुती रहने आयोजकले जनाएको छ । महोत्सवलाई आकर्षक र मनोरञ्जनात्मक सबै उमेर समूह रमाउने रोटेपिङ, ड्यागन, ब्रेक डान्स, डुङ्गा सयर, मिकिमाउस लगायतका खेल तमासा रहने संयोजक राइले जानकारी दिए ।