धरान उपमहानगरपालिकाका मेयर हर्क राज राई (साम्पाङ) ले धरानका घर भत्काएर सडक गर्ने भन्दा पनि भएको सडकलाई सदुपयोग गरेर बिकास गर्ने बताएका छन । आइतबारदेखी धरान ९ को पुतलीलाइन, गौतम पथ र आचार्य लाइनलाई पनि वान वे गर्ने क्रममा बोल्दै उनले साना सडकहरुलाई घर भत्काएर विस्तार गर्ने भन्दा पनि भएको सडकलाई सदुपयोग गर्नको लागी वान वे लागु गरिएको बताए । वान वे गर्दा जनताले दु:ख पाउने भन्दै मेयरले एकल निर्णयमा वान वे गर्यो भन्ने आरोप छ नि भन्ने प्रश्नमा उनले , ट्राफिक प्रहरी र वडाअध्यक्षसँग धेरै छलफल गरेर अध्ययन प्रतिवेदन अनुसार वान वे लागु गरिएको बताए । पहिलो पटक वान वे गर्दा पनि धेरै गुनासो हरु आएको र पछी बानी पर्दै जड सबैलाई सहज भएको उनको तर्क छ । धरानमा पहिलो पटक भानुचोकदेखि उत्तर नयाँ बजार र लक्ष्मीचोकदेखि दक्षिण पुरानो बजारमा वान वे लागु भएको थियो ।
आइतबार देखी लागु गरिएको वान वे को रुट भानुचोकदेखि पश्चिम पुतलीलाइनतर्फ भने सवारीसाधन जान पाउनेछ । पुतलीलाइनस्थित आइएमई रहेको चोकदेखि पुर्व भानुचोकतर्फ सवारीसाधन जान निधेष गरिएको छ ।आइएमई चोकदेखि उत्तर गौतमपथ, सब्जीबजार हुदै कलेज रोडतर्फ एकतर्फी मात्र सवारीसाधनलाई जान दिइएको छ ।उक्त सडकमा कलेज रोडदेखि दक्षिण गौतमपथतर्फ सवारीसाधन आउन निषेध छ ।यस्तै, आइएमई चोकदेखि दक्षिण आचार्यलाइन जोडिने शिवप्रकाश मार्ग हुदै भने दुईतर्फी नै सवारीसाधन आउजाउ गर्नसक्छन् ।तर, उक्त शिवप्रकाश मार्गमा दुवैतर्फ सवारीसाधन पार्किङ गर्न निषेध गरिएको छ । वडा नं ९ का अध्यक्ष आचार्यले ७ दिनसम्म परीक्षण गर्ने र त्यसपछि थप परिमार्जन गर्नुपर्ने भए गरिने बताए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।