नेपाली भाषाको लिम्बु सांस्कृतिक चलचित्र ‘कुमाक्ला फाक’ को निर्माण सम्पन्न संगै ट्रेलर रिलिज भएको छ । सिल्वर इन्टरटेन्मेन्टको अफिसियल युट्युब च्यानलमा रिलिज भएको १ मिनेट १६ सेकेण्डको ट्रेलरले लिम्बु जातीको संस्कारलाई पेश गरेको देखिन्छ । ट्रेलर रिलिज अघीनै चलचित्रको पहिलो प्रदर्शन आन्तरिक मामिला तथा कानुन मन्त्रालय कोशी प्रदेशले आयोजना गरेको ‘कोशी चलचित्र महोत्सव -२०८१’ मा भएको हो । मन्त्रालयले माग गरेको मापदण्ड अनुसार चलचित्र दर्ता गराइ बिर्तामोड स्थित पाथिभरा सिनेप्लाजामा प्रदर्शन गरिएपछी दर्शकहरुको अत्यधिक माग भएको कारण अब यही असार १५ गते धरानमा ग्राण्ड रेड कार्पेट शो गर्ने तयारी रहेको ‘कुमाक्ला फाक’ का लेखक तथा निर्देशक नविन मेन्याङवोले जानकारी दिए । धरान स्थित विपी कोइराला स्वास्थ्य बिज्ञान प्रतिस्ठान को अडिटरिएम हलमा ‘कुमाक्ला फाक’ को ग्राण्ड शो हुने मेन्याङ्बोले जानकारी दिए । सोही दिन थियटर साहारा कै प्रस्तुती रहेको सर्ट मुवी ‘द रेड मुन’ को पनि अन्तिम प्रदर्शन गरिने मेन्याङवोले जानकारी दिए । मेन्याङ्बोका अनुसार यो प्रदर्शन पछी ‘द रेड मुन’ लाई युट्युबमा अपलोड गरिने छ । यस अघी थियटर साहारा धरानले १० वर्षे शसस्त्र माओवादी द्धन्दको कथालाई समेटेर छोटो चलचित्र ‘द रेडमुन’ निर्माण गरेको थियो ।‘
कुमाक्ला फाक’ लाई नविन पराजुलि र सुरेस कुमार लाबुङले संयुक्त लगानी गरेर निर्माण गरेका हुन । चलचित्रमा प्रेम सुब्बा , उदय कुरुम्बाङ , नुमा लिम्वु , रोजनि तेयुइं , प्रकास लिम्बु , सानुराजा थेगिम , दिलु सुब्बा , राधा फोम्बो , संचमाया पंधाक , पुर्णिमाया लिम्बु , जमुना लिम्बु , तेज मेन्याङ्बो , नविन पराजुली र वाल कलाकार अकिंत लिम्बुले अभिनय गरेकाछन । ‘कुमाक्ला फाक’ को सम्पूर्ण प्राविधिकको काम कोशी भिजन नेपाल इटहरी र काठमाण्डौको टिमले सम्हालेका छन । लिम्बु जातीको सुंगुर संगको परम्परागत सम्बन्ध र त्यसले पारेको असर बारे ‘कुमाक्ला फाक’ ले बोल्ने भएकाले हाम्रो मुख्य पात्रनै कालो सुङ्गुर रहेको निर्देशक मेन्याङ्बोले बताए । कथाले मुल पात्रमा कालो सुंगुर लाई माग गरेको थियो त्यसैले सर्ट मुवीको मुख्य पात्रनै कालो सुङगुर रहेको उनको दावी छ । हाम्रो समाज, गाउघरको आर्गनिक कला , सॅस्कृति र शैलीको प्रतिनिधित्व गर्दै फिल्मले चाडै अन्तर्राष्ट्रिय चलचित्र महोत्सवहरुमा सहभागी हुने निर्देशक मेन्यङ्बोले बताए ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।