२०७९ मा उत्कृष्ट सहकारी सम्मान -२०७९ द्वारा सम्मानित भएको विजयपुर बचत तथा ऋण सहकारी संस्था लिमिटेडले सहकारीको सामाजिक उत्तरदायित्व अन्तर्गत धरानका दुई वटा वडा ४ र ५ का जम्मा ६५ जना बिधार्थीहरुलाई शैक्षिक सामग्रीहरु प्रदान गरेको छ । बिहीवार एक कार्यक्रमको आयोजना गरी धरान–५ स्थित तल्लो देउराली, धरान १५ का खोरिया बस्तीका सरकारी बिधालयमा अध्ययन गर्ने निम्न आय भएका ३५ जना बिधार्थीहरुलाई तल्लो देउरालीको नमस्ते चोकमा एक कार्यक्रम गरी शैक्षिक सामग्री वितरण गरेको छ । बितरण कार्यक्रममा धरान उपमहानगरपालिका वडा नम्बर ५ का वडा सदस्य बिजय राई, फुलबारी एकता समाज तथा सामुदायिक टोल बिकास संस्थाका अध्यक्ष कविचन्द्र याख्खा, फोक्ल्याण्ड टापु टोल बिकास संस्थाका अध्यक्ष तिर्थ गजमेर, समन्ता टोल बिकास संस्थाका अध्यक्ष पवित्र विश्वकर्मा, स्थानीय समाजसेवी धनकुमार राई लगायतको उपस्थिती रहेको थियो ।
सोही दिन सहकारीले धरान ४ स्थित शिक्षा ज्योती आधारभूत विद्यालय वसन्तटारका ३३ जना बिधार्थीहरुलाई पनि शैक्षिक सामग्रीहरु बितरण गरेको छ । कक्षा १, २ र ३ का जम्मा ३३ जना विद्यार्थीहरुलाई शैक्षिक सामग्री वितरण गरिएको विजयपुर बचत तथा ऋण सहकारी संस्था लिमिटेडका अध्यक्ष नविन मेन्याङ्बोले जानकारी दिए । सहकारीको सामाजिक उत्तरदायित्वअन्तर्गत तल्लो देउरालीका र बसन्तटार स्कुलका ६५ जना विपन्न परिवारका बालबालिकालाई पेन्सिल, अभ्यास पुस्तिकालगायत सामग्री वितरण गरिएको अध्यक्ष मेन्याङ्बोले जानकारी दिए । पछील्लो समय केही सहकारीहरुका कारण सहकारी संस्थाहरुको बदनाम हुँदै गएपनी तेस्ता सहकारीहरुलाई नहेरेर कहाँ कसरी चलिराको छ भन्ने जानकारी लिएर सहकारीलाई विश्वाश गर्न अध्यक्ष मेन्याङ्बोले बताए । सप्तकोशीबाट दुइचार गाग्रो पानी निकाल्दैमा सप्तकोशी नसुक्ने उदाहरण दिदै केही सहकारीहरु आफ्नै कारणले डुबेपनी सबै सहकारीलाई त्यसरी नदाज्न उनको आग्रह थियो ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।