‘अञ्जिला’को फर्स्टलुक पोस्टरमा एक हातमा बल अनी डोको बोकेकी ‘अञ्जिला’

नेपाली महिला फुटबलकी गोल रक्षक तथा टिम क्याप्टेन ‘अञ्जिला’ तुम्बापोको जीवनमा आधारित रहेर निर्माण गरिएको चलचित्र ‘अञ्जिला’को फर्स्ट लुक्स पोस्टर सार्वजनिक भएको छ । चर्चित लेखक तथा निर्देशक मिलन चाम्सले निर्देशनमा निर्माण भएको ‘अञ्जिला’ बाओपिक नभएर ‘अञ्जिला’कै वास्तविक जीवन भोगाइमा आधारित रहेर निर्माण गरिएको चाम्सले बताए । चाम्सका अनुसार ७५ प्रतिशत अञ्जिलाकै जीवनीमा प्रभावित रहेको छ । अञ्जिलाको कष्टकर बाल्य जीवनदेखि सफल खेल जीवनसम्मको जीवन घटना लाई पर्दामा उतारिएको निर्माता प्रेम कुमार श्रेष्ठले जानकारी दिए । सार्वजनिक पोस्टरमा ‘अञ्जिला’को फुटवल मोह प्रस्तुत गरिएको छ । ‘अञ्जिला’ ले घास दाउरा गर्ने डोको बोके संगै दाहिने हातमा भने फुटबल बोकेकिछिन । पोस्टरमा देखाइएको अनुसार फिल्ममा ‘अञ्जिला’को फुटबल प्रतिको लगावका प्रस्ट देखाइएको छ । अर्का मुख्य कलाकार दयाहाङ राई लाई भने ढाका टोपी लगाएको धर्के सर्ट लगाएर मुसुक्क मुस्कुराएको देख्दा हासोमा केही लुकेको भान हुन्छ ।

अञ्जिलाको जन्मथलो इलामको आइतबारेसहित झापा र काठमाडौँमा छायांकन भएको ‘अञ्जिला’को छायांकन सुदीप बरालले गरेका छन । भने सम्पादन मिलन श्रेष्ठले गरेका छन । मुन लभ इन्टरटेन्मेन्टको ब्यानरमा निर्माण भएको ‘अञ्जिला’को निर्माता प्रेम कुमार श्रेष्ठ हुन् भने सह-निर्मातामा विनोद अग्रवाल र राजेश बगडिया छन् । सिनेमामा मिरुना मगर, सिर्जना सुब्बा, माओत्से गुरुङ, प्रेम कुमार श्रेष्ठ, बुद्धि तामाङ, विजय बराल, हरि खड्का, मञ्जु श्रेष्ठ, वेदना राईको पनि अभिनय छ । सिनेमाले फरक छाप छोड्ने , सफल खेलाडी बन्नुअघि अञ्जिलाले भोगेका दुःख र इच्छाशक्ति भएदेखि केही कुरा असम्भव हुँदैन भन्ने सन्देश सिनेमाले दिनेमा निर्देशक चाम्स ढुक्क छन । सिनेमाको प्रदर्शन मिती केही समयपछी घोषणा गरिने निर्देशक चाम्सले बताए ।