भानुचोकबाट ट्याक्सी स्टेण्डको काउन्टर हटाइयो

धरान उपमहानगरपालिकाका नगर प्रहरीले धरानको मुख्यचौक भानुचौकमा रहेको ट्याक्सी स्टेण्डको टिकट काउन्टर भत्काएर धरान ८ स्थित सभागृहमा राखेकोछ । स्थानान्तरण गर्न उपमहानगरपालिका एवं वडा नं २ को कार्यालयले आग्रह गरेपनि यातायात व्यवसायीहरुले अटेर गरेपछि नगर प्रहरीले राती नै उठाएको धरान उपमहानगरपालिका वडा नम्बर २ का वडाध्यक्ष रमेश राईले जानकारी दिए । नगर प्रहरीले ट्याक्सी स्टेण्डका ४ वटा काउन्टरलाई उठाएर सभागृहमा राखेको राईले जानकारी दिए । निर्णय कार्यान्वयनको लागि वडा २ कार्यालयले व्यवसायीहरुलाई पत्राचार गरेपनि स्थानान्तरण नगरेपछि उपमहानगरले नै राती हटाएको राईको भनाइ छ ।