धरान उपमहानगरपालिकाका मेयर हर्कराज राई (हर्क साम्पाङ) को कोकाहा खानेपानी आयोजनाका लागी हङ्कङबाट फेरी ठुलो सहयोग जुटेकोछ । हङ्कङमा बस्दै आएका भारतीय सैनिकहरुको संगठन भारतीय गोर्खा भू.पू सैनिक संघ हङकङ द्धारा अभियान कोकाह खोला खानेपानी आयोजना सहयोगार्थ रू ७लाख २८ हजार ९९३ रकम हस्तान्तरण को चेक हस्तान्तरण गीतकार तथा समाजसेवी मीना सिंगकले जानकारी दिनु भयो । २२ जुन २०२३ का दिन जोर्डन अवस्थित गोर्खा रेष्टुरेन्ट एण्ड बारमा एक कार्यक्रम आयोजना गरी रु ७,२८७९३ /- को चेक हस्तान्तरण गरिएको थियो । उक्त रकम को चेक हाल हङ्कङमै रहनु भएकी मिना सिंगकलाई नै हस्तान्तरण गरिएको थियो । धरानको विकास र समृध्दि को लागि सहयोग पुर्याएको भन्दै भारतीय गोर्खा सैनिक संघ हङकङ लाई मिनाले धन्यवाद र हार्दिक आभार व्यक्त्त गर्नु भएकोछ ।
सिंगककै संयोजकत्वमा धरानलाई पानी खुवाउने अभियान शुरु गरेका धरानका मेयर हर्क साम्पाङको अभियानलाई सफल बनाउन आयोजना गरिएको “कोकाहा साँगीतिक साँझ -२०७९ कार्यक्रम सम्पन्न भएको थियो । सिंगकले उक्त्त साझको लागी सहयोग गर्ने ब्रुइगेस कन्स्ट्रक्सन कम्पनी हङकङमा कार्यरत १०७ जना नेपाली दाजुभाइ दिदिबहिनीहरुलाई हङ्कङनै पुगेर सम्मान पत्र बितरण गर्नु भएको थियो । गत चैत्र २५ गते शनिवार धरान १२ स्थित पब्लिक हाइस्कुल को खेल मैदानमा भएको च्यारिटी कन्सर्टमा धराने जनताहरुको बाक्लो उपस्थिती रहेको थियो । साम्पाङ मेयर भए देखी धरानको खानेपानीको लागी अभियान मार्फत धेरै सहयोगहरु जुटीरहेको संयोजक सिंगकले जानकारी दिनुभयो ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।