कोशी प्रदेश नामको बिरोधमा आन्दोलनको क्रममा घाइते भएर उपचारको क्रममा ज्यान गुमाएका शहीद पदमबहादुर लिम्बू लाजेहाङको परिवारलाई हङकङमा रहेको प्रदेश १ पहिचानी नाम सङ्घर्ष समितिबाट आर्थिक सहयोग प्रदान गरिएको छ । आज शुक्रवार नेपाल पत्रकार महासंघ सुनसरीको कार्यालय धरानमा आयोजित सहयोग हस्तान्तरण कार्यक्रममा ५ लाख ११ हजार ५८५ रुपैंयाको चेक शहीद आमा धनमाया लिम्बुलाई हस्तान्तरण गरिएको छ । रकम हस्तान्तरण समितीका स्थानिय संयोजक लेखक तथा नेपाल पत्रकार महासंघ सुनसरी अध्यक्ष जनक ऋषि राईको अध्यक्षतामा आयोजित कार्यक्रममा शाहीद परिवारबाट शहीदकी आमा धनमाया लिम्बु , छोरा र बहिनिको उपस्थित रहेको थियो । रकम सङ्घर्ष समिति हङकङका संयोजक किरण सुच्चा राईको नेतृत्वमा हङकङका नेपालीहरूबाट सङ्कलन गरिएको स्थानिय संयोजक जनक ऋषि राईले जानकारी दिए । चेक किरात राई यायोक्खा, सुनसरी मार्फत हस्तान्तरण गरिएको हो । यायोक्खा सुनसरीका कोषाध्यक्ष उपेन्द्र चाम्लिङ, सुच्चा कल्याणकारी सेवा समाजका केन्द्रीय अध्यक्ष बिनोद सुच्चाले चेक हस्तान्तरण गरेका हुन् ।
चैत ५ गते विराटनगरको रोडशेष चोकमा निषेधाज्ञा उल्लङ्घन गरी मुख्यमन्त्री तथा मन्त्रिपरिषद्को कार्यालयतर्फ भीड बढ्ने क्रममा प्रहरीले सामान्य बल प्रयोग गरेको थियो । त्यस क्रममा प्रहरीले लाठी चार्ज नगरे पनि अश्रुग्याँस र हवाइफायर गरेर भीडलाई तितरबितर बनाएको थियो । हाल लाजेहाङको शब धरानमै रहेकोछ । लाजेहाङको मृत्यु पछी पहिचानवादीहरुले उनलाई शाहीद घोषणा माग गर्दै आन्दोलन चर्काएपछी सरकारले लाजेहाङलाई शाहीद घोषणा गरेको थियो । अब भने लाजेहाङको अन्त्येस्टी बैशाख ९ गते गरिने तयारी गरिएको जनक ऋषि राईले जानकारी दिए । राईका अनुसार बैशाख ९ गते बिहान १० बजे धरानबाट लाजेहाङको शव यात्रा हुनेछ । बिहान १० बजे धरान परिक्रमा गरी श्रदाण्जली सभा गरिने , ११ बजे इटहरी र १२ : ३० बजे बिराटनगरमा लगेर शब यात्रा गरेर ४ बजे शाहीदको घर मोरङको बेलाबारी लगेर अन्त्येस्टी गरिने भएको छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।