धरान -५ देउरालीमा गणित शिक्षण सिकाई तालिम सम्पन्न

– तिर्थ कार्की
क्रियटिभ स्कुल सर्कल धरानले सोमबार गणित विषय शिक्षण सिकाई सम्वन्धि तीन दिवसिय तालिम सम्पन्न गरेको छ ।धरान–५ देउराली स्थित डि.पि विलिभर्स इङलिस स्कुलमा तालिम सम्पन्न भएको हो । प्रशिक्षक दयामान श्रेष्ठले तालिम अवधिभर गणित विषय प्रभावकारी ढङ्गले कसरी शिक्षण गर्ने भन्ने विषयमा शिक्षकहरुलाई प्रशिक्षण दिएका थिए । उनले गणित विषयका शिक्षकहरु कडा रुपले प्रस्तुत हुने गरेका कारण विद्यालयमा विद्यार्थीहरुले शिक्षकहरुलाई प्रश्न सोध्न डराउने गरेकोले गणित विषय कठिन महशुस भएको वताए ।

उनले कुनै विषयको शिक्षक सरल र नरम भएर प्रस्तुत भएको अवस्थामा विद्यार्थीहरुले प्रश्न गर्न सक्ने र समाधान खोजिने वताए ।उनले सिकाईलाई प्रभावकारी रुपमा स्कुलमा लागू गर्न सकेमात्र तालिमको उपलव्धि हुने वताएका थिए ।सर्कलमा आवद्ध भएका स्कुलहरु मध्ये ७ बिद्यालयका ४२ जना शिक्षकहरु सहभागी भएका थिए।विषयगत तालिम दिएर शिक्षक र शिक्षिकालाई दक्ष वनाउने उदेश्यले तालिमको आयोजना गरीएको क्रिएटिभ स्कुल सर्कलका अध्यक्ष गंगाराम राईले वताए ।

तालिममा एक्वा डाईनेष्टी इङ्लिस स्कुल, धरान–१७,आवर होम इङ्लिस बोर्डिङ स्कुल, डि.पि.बिलिभर्स इङ्लिस बोर्डिङ,जोलसाया एकेडेमी धरान–११, हिबिस्कस इङ्लिस बोर्डिङ स्कुल धरान–१५,धरान इङ्लिस बोर्डिङ स्कुल धरान–५, देउराली चिल्ड्रेन एकेडेमि धरान –५ का शिक्षक शिक्षिकाहरु सहभागी भएका थिए ।तालिममा सहभागीहरुलाई प्रशिक्षक दयामान श्रेष्ठ, डिपि विलियर्स इङलिस स्कुलका प्रिन्सिपल सन्जिप वान्तवा, आवरहोम स्कुलका प्रिन्सिपल गम्भिरमान तामाङ, धरान इङलिस स्कुल धरान–५ का डाइरेक्टर नेत्र बहादुर जिमि, देउराली चिल्«ड्रेन एकेडेमीका डाइरेक्टर पृथ्वी राईका मगर, सर्कलका अध्यक्ष गंगाराम राई, नेपाल पत्रकार महासंघ सुनसरीका सहसचिव भोला श्रेष्ठ लगायतले सहभागीहरुलाई प्रमाण–पत्र वितरण गरेका थिए । कार्यक्रमको संचालन विजय सिं थेवेले गरेका थिए भने सभापतित्व गंगाराम राईले गरेका थिए ।