धेरै फिल्म एकसाथ रिलिज हुदा हलवालाहरुलाई फाईदा कि घाटा ?

नेपाली चलचित्रको बजार सानो छ । तैपनी वार्षिक सयौको संख्यामा फिल्म हरु निर्माण भैरहेकोछ । यि फिल्महरु मध्ये केही चलचित्रले मात्र आफ्नो लगानी उठाएका छन । नेपाली फिल्म निर्माताहरुलाई दर्शकले कस्तो फिल्म रुचाउछन भन्दानी चाड पर्व बिदाको दिन भए फिल्म चल्छ भन्ने लागेको छ । हरेक निर्माताको फिल्म रिलिज गर्ने पहिलो तार्गेट भनेकै चाडपर्वहरु र बिदाको दिन हो । यस्तै मौका छोपेर नयाँ बर्ष २०८० का लागी ४ चलचित्रहरु भिडन तयार भएपनी ‘नाई नभन्नु ल ६’को टिम पछि हटेपछि अब ३ वटा फिल्म मात्र रिलिज हुने भएको छ । यि तीन फिल्म मध्ये दुइटा फिल्ममा एउटै कलाकार कास्ट छन भने दुई फिल्मले एउटै कथा बस्तु बोकेको छ । बैशाख १ मा रिलिज हुने तीन फिल्म मध्ये बिहे पास र जारी दयाहाङ स्टारर हो भने , जारी र बुलाकीले उस्तै उस्तै कथा बोल्ने ट्रेलरले स्पस्ट देखाएकोछ । जारीमा पुर्बमा बस्ने लिम्बुहरुको संस्कार देखाउने कोशीस गरिएकोछ भने बुलाकीमा पश्चिमको संस्कार देखाएकोछ । दुबै फिल्म देखाउनु खोजेको जारी कै कुरा छ ।

यी तिनै फिल्मको सेन्सर पास भैसकेको छ भने अधिकांश हलमा बुकिङ पनि खुल्ला गरिएको छ । यी तिन फिल्ममध्ये मल्टिप्लेक्समा सर्वाधिक शोज ‘जारी’ले पाएको छ । उपेन्द्र सुब्बाको निर्देशनमा रामबाबु गुरुङ निर्मित यो फिल्ममा दयाहाङ राई, मिरुना मगर मुख्य भूमिकामा छन् ।यसरी दर्शकहरुको पर्खाइरहेको फिल्मह साथ प्रदर्शनमा आउँदा पूर्वका सिनेमाहल संचालकहरु भने चिन्तीत बनेकाछन । जारीको फिल्मको बुकिङ आक्रामक रहेको QFX बिर्तामोडका म्यानेजर केदार बस्नेतले यस बिषयमा चिन्ता व्यक्त्त गरेका छन । नेपाली फिल्मको बजार यसै पनि हाम्रो जस्तो सानो देशमा एकदमै न्युन छ । यसरि दर्शकको मनमा बसेको फिल्महरू एक साथ बक्स अफिसमा भिडन्त हुदॅां नेपाली फिल्मको लागि सुखद होईन , यस संगै फिल्म प्रदर्शकलाई ज्यादै टाउको दुखाईको बिषय हुन्छ । यसरी फिल्म एक आपसमा भिड्दा प्रदर्शकलाई शो मिलाउन ज्यादै अप्ठ्यारो त छदैछ , त्यसमाथी दर्शकको कम क्रेज भएको फिल्मको शो ले हल खाली होला कि भनेर ठुलो चिन्ता सदैव रहि रहन्छ । बस्नेतको भनाइ छ ।

यो चिन्ता बिर्तामोडका हलवालालाई मात्र हैन दमकमा पनि उस्तैछ । डिम्याक्स सिनेमाका म्यानेजर बुद्दी पाण्डे भन्छन एकसाथ फिल्म रिलिज हुँदा सबैले पेल्छन । उनका अनुसार निर्माता र वितरकको चपेटामा हलवाला परेका छन । आफ्नो फिल्म राम्रो भएको दावी गर्दै शोज हरु बढाउन आग्रह गरेको पाण्डेको भनाइछ । आशा गरिएको फिल्महरु एकसाथ प्रदर्शनमा आउँदा शोज मिलाउन कठिन भएकोले एक हप्ता पर सरेको भए के चाँही हुन्थ्यो ? उनको प्रश्न थियो । जेठ असार मा कुनै पनि फिल्म नभएकाले केही समय पोस्ट्पोन्ड गरेको भएको असल हुने उनको बुझाई छ । अझै पनि पोस्टपोन्ड गर्ने समय भएको ले पुन सोच्नको लागी निर्माता र वितरकलाई सुझाव दिए । दमककै अर्को सिनेमा हल पाथिभरा सिनेमा हलका संचालक तथा फिल्म बितरक चैतन्य बरालले प्रतिस्पर्धाको बजारमा कम्पिटिशन गर्नु सामान्य रहेको बताए । बरालका अनुसार एकपटकमा एउटा मात्र फिल्म रिलिज होस् भन्ने हाम्रो पहिले देखिकै चाहना हो , एक भन्दा बढी एकसाथ रिलिज हुँदा हलवालालाई भन्दा निर्मातालाई धेरै मार पर्छ ,ती मध्ये राम्रा फिल्मको लागी दर्शक आउछन नै , यसमा हलवलालाई भन्दा नि निर्मातालाई ठुलो घाटा हुने भएकोले रिलिज अगाडी सोच्न पर्ने उनको भनाइ छ । इलाइट सिनेमा इटहरीका मेनेजर नवराज केसीले पनि आफ्नो गुनासो पोखे । प्रदर्शक सङ्ग् कुनै सल्लह नगरी आफ्नो खुशीले निर्माता र बितरकले फिल्म जुदाउधा हलवाला मरमा परेको केसीको भनाइछ । निर्माता र बितरकको टकराबले गर्दा हलवालाहरु प्रेसरमा रहेको उनको भनाइछ । दुई दिन अगाडी बुकिङ खुलाएर कुन फिल्ममा कस्तो रेस्पोन्स आउछ त्यही अनुसार शोजहरु दिने पनि उनको भनाइ छ ।

अहिले सम्म को स्थितीलाई हेर्ने हो भने जारीलाई क्यूएफएक्स चेनले देशभर ५५ शोज दिएको छ । शोज अझै बढ्ने पक्का जस्तै छ । फिल्मको बुकिङ पूर्वी नेपालको विर्तामोडमा आक्रामक छ । ६ शोजबाट सुरु भएको विर्तामोडमा १० शोज पुगिसकेको छ । धरानको फ्रेण्ड्स सिनेमामा भने आज बाट नै बुकिङ खुलेको छ । फ्रेण्ड्सका म्यानेजर सन्देश घिमिरेका अनुसार जारीको डिमाण्ड बढ्दो भएकै कारण आजबाट बुकिङ खोलिएको हो । बुकिङ खुले सङ्गै , टिकट बुक गर्नेहरुपनी बढन थालेको घिमिरेको भनाइछ । जारीले फिल्मले नयाँ बर्षको दिनमा बम्पर व्याापर गर्ने संकेत देखिएको छ ।दयाहाङ राई र प्रकृति श्रेष्ठ अभिनित फिल्म ‘बिहे पास’ले पनि सुखद शो पाएको छ । फिल्मका कलाकार, वितरक रोहित कट्टेलको फिल्म भएका कारण पनि यसले मल्टिप्लेक्समा राम्रो शो पाएको हो । यी दुई फिल्मको तुलानामा फिल्म ‘बुलाकी’ पनि ओझेलमा परेको देखिन्छ । फिल्मलाई क्यूएफएक्सले १२ शोज मात्र दिएको छ ।