चलचित्र ‘बरिष्ठ बलाराम’ को ट्रेलर रिलिज, समाजको वरिष्ठ व्यक्ति बन्न दया र बिजयको झगडा

प्राय हरेक सफल चलचित्रमा एक अर्काको नजिकको दोष्ती बनेर अभिनय गर्दै आएका चर्चित कलाकार दयाहाङ राई र बिजय बराल अभिनित चलचित्र ‘बरिष्ठ बलाराम’ को ट्रेलर सार्वजनिक भएको छ । अन्य चलचित्रमा एक अर्काको सहारा बनेका दया र बिजय यो चलचित्रमा एक अर्काकका प्रतिद्धन्द्धीको रुपमा छन । एक गाउँको ढुङगा गिटीको बिषयलाई लिएर दुई गाउँले युवाहरुबीच सामन्य विवादलाई सफल चलचित्र सम्पादक तथा निर्देशक सुरेन्द्र पौडेलले गज्जवले निर्देशन गरेका छन ।

बरिष्ठ बलाराममा दया र बिजयको यो भुमीका हेर्न दर्शंक आतुरछन । आज सार्वजनिक भएको ३ मिनेट ५४ सेकेण्डको ट्रेलरमा दया र बिजयको झगडा मात्र हैन बिजयको पारिवारिक समस्या र विगतले निकै भावुक बनाउछ । आफूलाई समाजको वरिष्ठ व्यक्ति देखाउन चाहने दुई पात्रहरूको आवरण र शोचका कारण हुने संघर्षको कथा बरिष्ठ बलाराम मा देख्न सकिने छ ।

आभाष’, ‘क्रृ’ र ‘बाबरी’ निर्देशन गरीसकेका, चर्चित सम्पादक सुरेन्द्र पौडेलको निर्देशन रहेको चलचित्र बरिष्ठ बलाराम कथा र सम्पादन निर्देशक पौडेलकै रहेको छ भने पटकथा महेश दवाडीको रहेको छ । वृषभ सिद्धी इन्टरटेनमेन्ट र आन्भी फिल्म्सको सहकार्यमा तयार भएको चलचित्रलाई आशिष एच तामाङ र श्रीराज कार्कीले संयुक्त रुपमा निर्माण गरेका छन ।

काठमाण्डौ भ्याली भित्र डीसीएन र उपत्यका बाहिर कुवेर सिने डिस्ट्रीब्युसनले वितरण गर्ने जिम्मा पाएको वरिष्ठ बलराम’ मा मनकृष्ण महर्जनको छायांकन, प्रशान्त शिवाकोटीको संगीत, सम्राट शाक्यको एक्सन निर्देशन र प्रदीप लामाको नृत्य निर्देशन छ भने तारानाथ न्यौपाने मुख्य सहायक निर्देशक रहेका छन । चलचित्र यहि तिहारको भाइटिका अर्थात कार्तिक ६ गतेबाट प्रदर्शनमा आउदै छ ।