‘कबड्डी – ५’ निर्माणको तयारी सुरु, निर्देशकको रुपमा दयाहाङ राई आउने सम्भावना

सुपरहिट चलचित्र ‘कबड्डी’ को पाँचौ सिक्वेल ‘कबड्डी – ५’ निर्माणको तयारी थालिएको छ । चलचित्रकी एक मुख्य पात्र अरुणा कार्कीले आफनो फेसबुकमा केही तस्विरहरु सार्वजनिक गर्दै हामी ‘कबड्डी – ५’ निर्माणको तयारीमा भन्दै पोष्ट गरेकी छिन । तस्विरमा पहिलो सिक्वेल देखि एकसाथ देखिदै आएका दयाहाङ राई , बिजय बराल, बुद्धि तामाङ, कमलमणि, र तेस्रो सिक्वेलबाट जोडिएकी नायिका मिरुना मगर र अरुणा कार्की प्रसन्न मुद्रामा देखिएका छन ।

यो पाँचौ सिक्वेलको मुख्य कलाकार र निर्देशकको रुपमा दयाहाङ राई आउने प्रवल सम्भावना रहेको छ । चलचित्रको कार्यकारी निर्माताको रुपमा देखिदै आएका मणिराम पोखरेल यो चलचित्रको निर्माताको रुपमा आउने सम्भावना देखिएको छ । निकै लामो समय अमेरिकामा बस्दै आउनुभएकी अरुणा कार्की र मणिराम पोखरेल चलचित्रको निर्माण गर्ने प्रवल सम्भावना रहेको उनको पोष्टबाट आँकलन लगाउन सकिन्छ ।

‘कबड्डी – ५’ निर्माणको तयारी सुरु भनेपनि कहिलेबाट छायाँकन हुने, कोको कलाकारहरु रहने, कस्ले निर्देशन गर्ने भन्नेबारेमा आधिकारिक घोषणा हुन बाँकी रहेको छ । यस अघिका सिक्वेलहरुमा दयाहाङ राई, बिजय बराल, बुद्धि तामाङ निरन्तर रुपमा चलचित्रमा देखिरहेकाछन भने मिरुना मगर भने तेस्रो सिक्वेलबाट जोडिएकी हुन । सुपरहिट चलचित्र ‘कबड्डी’ र जारी निर्माण गर्ने बासुरी फिल्मसको नयाँ चलचित्रको लागि कलाकारको खोजी पछिल्लो समयका सुपरहिट चलचित्र ‘कबड्डी’, जारी र यसका सिरिजहरु निर्माण गरेको चलचित्र निर्माण कम्पनी बासुरी फिल्मस्ले यसअघि कलाकारको खोजी समेत गरेको थियो ।

चलचित्रका लागि विभिन्न विधाका कलाकारहरुको खोजी गरेको छ । विभिन्न ९ ओटा फरक भुमीकाका लागि सर्पोृेटिङ रोलका लागि अडिसननै आह्वान गरेको छ ।खोजेको कलकारहरुमा हुनुपर्ने उमेर, स्वभाव, तौल सबै खुलाईएको छ । जस अनुसार, २५– २८ बर्ष उमेरको थोरै मोटो शरिर भएको, साधारण व्यवहार भएको एक थकाली महिला एक जना, रिसाह तर हस्यौली मुहार भएको ४५– ५० बर्ष उमेरको एक जना थकाली पुरुष, ३०–३५ बर्ष उमेरको व्यवसायी एक थकाली पुरुष र ४५–५० बर्ष उमेरका समुहको ८ जना थकाली पुरुषहरुको माग रहेको छ ।

यसैगरी मन्त्रीको भुमीकाको लागि ६५ बर्ष उमेर नाघेको केही मोटो शरिर भएको एक जना पुरुष, मन्त्रीकै पिएको लागि ४० बर्ष नाघेको केही साईको साईको लाग्ने एक पुरुष,यसैगरी केही मजाक र जोक गर्न सक्ने रमाइले स्वभावको एजेन्टको भुमीका एक जना पुरुष, २८ बर्षको होटल रिसेप्सनिष्टको भुमीकाको लागि एक जना महिला, र प्रहरी ईन्सपेक्टको भुमीकाको लागि ३५–४० बर्ष उमेर समुहको एक जना पुरुष कलाकार खोजेको छ ।अडिसनमा सहभागीता जनाउन करिब दुई मिनेटको भिडियो बनाएर पाठाउनु पर्ने छ । डिजिटल अडिसन पास भए फिजिकल अडिसनको लागि निर्माण टिमले भेट्ने छ । अडिसनको भिडियो असोज ९ गते अगाडीनै बुझाई सक्नुपर्ने छ । निर्माण गरेको भिडियो मा इमेल गर्न सक्ने छ ।