दयाहाङ्ग र बिजयको मुख्य भूमीका रहेको ‘वरिष्ठ बलराम’ को प्रदर्शन मिति परिवर्तन

सुपरहिट चलचित्र कबड्डी का हरेका सिरिजका दर्शकले सर्वाधिक मन पराएको साथीको जोडी दयाहाङ्ग राई र बिजय बरालको मुख्य भूमीका रहेको चलचित्र बरिष्ठ बलारामको प्रदर्शन मिति परिवर्तन भएको छ । धेरै दर्शकहरुले रुचाएको चर्चित जोडी दया र बिजयको यो चलचित्र दर्शकहरुको लागि प्रतिक्षित मध्ये पर्दछ । कात्तिक ३ गते प्रदर्शन गर्ने तयारी रहेको चलचित्र अब प्रदर्शन मिति ३ दिन पछि सरेर यस वर्षको तिहारको भाईटिका अर्थात कात्तिक ६ गतेबाट प्रदर्शनमा आउने भएको छ ।

आभाष’, ‘क्रृ’ र ‘बाबरी’ निर्देशन गरीसकेका, चर्चित सम्पादक सुरेन्द्र पौडेलको निर्देशन रहेको चलचित्र बरिष्ठ बलाराम कथा र सम्पादन निर्देशक पौडेलकै रहेको छ भने पटकथा महेश दवाडीको रहेको छ । वृषभ सिद्धी इन्टरटेनमेन्ट र आन्भी फिल्म्सको सहकार्यमा तयार भएको चलचित्रलाई आशिष एच तामाङ र श्रीराज कार्कीले संयुक्त रुपमा निर्माण गरेका छन ।

काठमाण्डौ भ्याली भित्र डीसीएन र उपत्यका बाहिर कुवेर सिने डिस्ट्रीब्युसनले वितरण गर्ने जिम्मा पाएको वरिष्ठ बलराम’ मा मनकृष्ण महर्जनको छायांकन, प्रशान्त शिवाकोटीको संगीत, सम्राट शाक्यको एक्सन निर्देशन र प्रदीप लामाको नृत्य निर्देशन छ भने तारानाथ न्यौपाने मुख्य सहायक निर्देशक रहेका छन ।