“माइती घर” को शिर्षगीत सार्वजनिक, गीतको हरेक स्टेपमा फरक स्थानको दृश्य

यहि दशैको फुलपातीबाट प्रदर्शनमा आउन लागेको प्रतिक्षित चलचित्र “माइती घर” को शिर्षगीत सार्वजनिक भएको छ । चलचित्र निर्माण घोषणा सँगै चर्चामा आएको प्रतिक्षित चलचित्र “माइती घर” को शिर्षगीतको बसन्तनै बस्न खोज्छ यहाँ लोलाएर, बोलको गीतको भिडियो निकै राम्रो बनेको छ । पुरानो चलचित्र “माइती घर” मा आशा भोस्ले को आवाज थियो भने हालको रिमेकमा सञ्जीवनीको आवाज रहेको छ । किरण खरेलको शब्द रहेको गीतको संगीत भने स्वर्गीय जयदेवको रहेको छ ।

गीतलाई चर्चित कोरीयोग्राफर कविराज गहतराजले गरेका छन । गीतमा मुख्य कलाकारद्धय उपसना सिंह ठकुरी र श्यामा श्री सेर्पाले कम्मर मर्काएका छन । प्राय चलचित्रका गीतहरुमा सिमित स्थानका दृश्यहरुमात्र समेटिएपनि यो गीतमा भने तराईका फाटदेखि हिमालको फेदी सम्मको दृश्यलाई देखाइएको छ, यीनै दृश्यहरुले गीतलाई धेरै सुन्दर बनाएको छ ।

चलचित्रमा केदार घिमिरे, धिरज मगर, प्रकाश सपुत, उपासना सिंह ठकुरी, श्यामश्री शेर्पा, युवराज लामा, बुद्धि तामाङ र शिशिर वाङ्देल मुख्य भूमीकामा रहेका छन। सुसन प्रजापतिको छायांकनमा निर्माण भइरहेको ‘माइतीघर’ मा रोहित अधिकारी, रविन शेरचन र धीरज तामाङको लगानी छ भने ईश्वर श्रेष्ठ र निरज कटुवाल कार्यकारी निर्माता छन ।रोहित अधिकारी फिल्मस्को व्यानरमा निर्माण हुन लागेको फिल्ममा रविन शेरचन र धीरज तामाङको पनि लगानी छ । फिल्मका कार्यकारी निर्माता ईश्वर श्रेष्ठ र नीरज कटुवाल हुन् ।

निर्माता अधिकारीले यसअघि निर्माण गरेका ‘गाजलु, ‘छ माया छपक्कै’ र ‘फर्की फर्की’लाई दर्शकले रुचाएका थिए ।यसपटक चलचित्रका मुख्य कलाकारहरुले देशभरीका सिनेमाहलमा गएर दर्शकहरु संग चलचित्र माईतीघर हेर्ने भएका छन । चलचित्रमा छनोट गरिएको जम्बो स्टार संगै, छायाँकनको समयमा चारित्रीक पोस्टर सार्वजनिक, गीतसंगीत सबैले चर्चा बटुल्दै आएको चलचित्र “माइतीघर” को पहिलो लुक्स पोस्टर सार्वजनिक भएको छ । चलचित्रको अफिसियल पोष्टर सार्वजनिक भएपछि अव टिजर, ट्रेलर तथा गीतहरुको पर्खाइ बढेको छ ।