‘कार्साङ’ टिजर, दया र जितुको मित्रता, सिर्जनासंग दयाको गज्जब जोडी

यार्सा फिल्मस् र पुरुषोत्तम प्रधान फिल्मसको प्रस्तुतिमा निर्माण भएको चलचित्र ‘कार्साङ’को टिजर रिलिज भएको छ । दुइमिनेट २५ सेकेण्ड लामो टिजरमा दुर्गम गाउका शेर्पा जाती अनी धामी झाक्रीहरुको तन्तर मन्तर गरिएको विश्वाशलाई देखाउन खोजिएको छ । गाउमा हरेक कुल देवताको पूजा, रोगी बिरामीलाई झारफुक गर्ने झाक्रीको रुपमा प्रस्तुत भएका दयाहाङ राईले फेरी पनि गाउका सोझा शेर्पाको अभिनय जीवनत गरेका छन ।

थुप्रै म्युजिक भिडियोमा काम गरेकी, होस्ट तथा मिडिया पर्सन सिर्जना निङ्लेखुको डेव्यु रहेको चलचित्रमा उनको काम गज्जब देखिएको छ । रिलिज टिजरमा गरिबी, अभाव, निःसन्तानपनले दिएको सास्ती र त्यसले दाम्पत्य जीवनमा पैदा गर्ने द्धन्द्वलाई निर्देशक यम शेर्पाले गज्जबले प्रस्तुत गरेकाछन । कथा, पटकथा तथा संवाद निर्देशक शेर्पाकै रहेको कार्साङ उनको डेव्यु निर्देशन हो । यस चलचित्रलाई चर्चित छायांकार पुरुषोत्तम प्रधानले निर्माता गरेका हुन ।

अभि लामाको कोरियोग्राफी, मुकेश शाहको ध्वनि, सुदीप कुँवर, राम कुमार श्रेष्ठ र योगेन्द्र कार्की प्रमुख सहायक निर्देशन रहेको ‘कार्साङ’ लाई भूपेन्द्र अधिकारीले सम्पादन गरेका छन । रिलिज टिजरमा दया र जितुको दोस्ती गज्जबको देखाइएको छ । जितु को अन्य चलचित्रहरुमा भन्दा यो चलचित्रमा जीवन्त अभिनय रहेको देख्न सकिन्छ ।

बुलन्द, आवाज मङगोल फेस भएकी सिर्जनालाई शेर्पेनीको भूमिका सुहाएको छ । चलचित्रमा दयाहाङ राई, सिर्जना निङलेखु, जितु नेपाल, दीया मास्के, बुद्धि तामाङको मुख्य भूमिका र सृष्टि गौतम, डोमा ह्योल्मो, प्रेम लोप्चन, सुरवीर पण्डित, कविता आले, पवन कुमार गोले, अमृत शेर्पालगायत कलाकारहरुको पनि अभिनय रहेको छ ।