‘याक्थुङ सिने अवार्ड-२०८१’ मा ‘चे’उत्कृष्ट चलचित्र’खोक्पा’ले जित्यो धेरै अवार्ड

धरानमा सम्पन्न पहिलो ‘याक्थुङ सिने अवार्ड -२०८१ मंगलबार धरानमा सम्पन्न भएको छ । याक्थुङ चलचित्रकर्मी संघको आयोजना भएको अवार्ड कार्यक्रमको पहिलो संस्करणमा लिम्बु चलचित्र ‘चे’ ले सर्वोत्कृष्ट फिचर फिल्म अवार्ड र ‘खोक्पा’ ले सर्वोत्कृष्ट लघु चलचित्र को अवार्ड जितेको छ । २०८० ८१ सालभित्र निर्माण भएका बिसुद्द लिम्बु कथा र लिम्बु चलचित्रकर्मीहरुले निर्माण गरेको लघु चलचित्र र फिचर चलचित्रलाई अवार्ड प्रदान गरिएको हो । चर्चित लेखक तथा निर्देशक उपेन्द्र सुब्बा, याक्थुङ भाषाबिद्द तथा कलाकार याशेली योङ्हाङ, कलाकार, निर्माता तथा याक्थुङ चलचित्रकर्मी संघका केन्द्रिय अध्यक्ष नबिन मेन्याङ्बो मुख्य जुरी रहेको टिमले बिभिन्न बिधामा याक्थुङ चलचित्रकर्मी हरुलाई अवार्ड प्रदान गरेको छ ।

दुई वटा बिधाहरु चलचित्र तर्फ र लघु चलचित्र तर्फ फरक फरक शिर्षकमा प्रदान गरिने छ । चलचित्र तर्फ ७ वटा विधा र लघु चलचित्र तर्फ ५ वटा विधामा अवार्ड प्रदान गरिएको छ । चलचित्र तर्फ सर्वोत्कृष्ट चलचित्र, सर्वोत्कृष्ट निर्देशक, सर्वोत्कृष्ट नायक, सर्वोत्कृष्ट नायिका, सर्वोत्कृष्ट चरित्र अभिनेता, सर्वोत्कृष्ट चरित्र अभिनेत्री, पब्लिक चोईस विधामा अवार्ड प्रदान गरिएको छ । लघु चलचित्र तर्फ उत्कृष्ट लघु चलचित्र, उत्कृष्ट निर्देशक, उत्कृष्ट अभिनेता, उत्कृष्ट अभिनेत्री, पब्लिक चोईस लघु चलचित्र विधामा अवार्ड प्रदान गरिएको छ ।

बरिष्ठ कलाकार प्रेम सुब्बालाई सोदुइङ्गेन लेप्मुहाइ अवार्डद्वारा समान गरिएको छ । मंगलबार धरान स्थित बिपी कोइराला स्वास्थ्य विज्ञान प्रतिष्ठान को अडिटरिएम हलमा सम्पन्न अवार्ड कार्यक्रममा लालिगुरास नगरपालिका तेह्रथुमका मेयर अर्जुन मावोहाङको प्रमुख आतिथ्यमा सम्पन्न कार्यक्रम कोशी प्रदेशका बिभिन्न पालिकाका लिम्बु जनप्रतीनिधीहरु, बिभिन्न उच्च ओहोदाका व्यक्तित्वहरु, पुर्व मिस नेपाल माल्विका सुब्बा,चर्चित निर्देशक लेखक उपेन्द्र सुब्बा, नायिका परिक्षा लिम्बु लगायतको उपस्थिती रहेको थियो ।

अवार्ड विजेताको सूचीः
चलचित्र तर्फ
निर्देशक दिनेश माङमु – युक्पुङ
नायक – किशोर सम्बाहाम्फे – माङ्गेना
नायिका – बिमला खजुम – चे
नव नायक – राज श्रेष्ठ – सिकुम
नव नायिका – निसाम तुम्बापो – लोजिमा
चरित्र अभिनेता – सिडी बेघा – हाङनान्द
चरित्र अभिनेत्री – डम्बर कुमारी पयाङ्बो – सुगुप
सोदुङ्ना लेम्मुहाङ अवार्ड – प्रेम सुब्बा
तिगेन्जङना अवार्ड – मिना हुक्पा चोङवाङ
सोसियल चोइस चलचित्र – सुगुप
सोसियल लघु चलचित्र – खोक्पा

लघु चलचित्र तर्फ :

उत्कृष्ट चलचित्र – खोक्पा
उत्कृष्ट निर्देशक – प्रकाश लिम्बु – खोक्पा
नायक – तिरज लिम्बु – खोक्पा
नायिका -बिमला थोक्लिहाङ -इछिङ
अभिनेता – कर्ण सम्बाहाम्फे – इछिङ
अभिनेत्री – मिना हुक्पा चोङवाङ