चलचित्र ‘मिसिङ: केटि हराएको सुचना’को पोस्टर पुर्वभरी टासियो

पछील्लो समय नेपाली चलचित्रहरुको प्रचार प्रसारको माध्यम सवारी साधनहरुको भिता बन्दै गएको छ । बिशेषगरी शहरका गल्ली गल्ली पुग्ने सिटी सफारी र एक शहर देखी अर्को शहर सम्म पुग्ने बसहरुमा चलचित्रहरुको पोस्टर टास्न थालिएको छ । यसै क्रममा यही कार्तिक ३० गतेदेखि प्रदर्शनमा आउन लागेको चलचित्र ‘मिसिङ: केटि हराएको सुचना’ ले पनि आफ्नो प्रचार प्रसारको गतिलो माध्यमको रुपमा शहरका सडक गल्लीमा गूडने सिटी सफारी रोजेको छ । प्रचारप्रसार अन्तर्गत कोशी प्रदेशमा फिल्मको पोस्टर पब्लिसिटी तिहार अघि र तिहारपछि तीन दिन लगाएर सम्पन्न भएको छ ।

कोशी प्रदेशको इटहरी, विराटनगर, धरान, दमक र बिर्तामोडका ५०-५० ओटा सफारीहरूमा चलचित्रको पोस्टरहरू टासिएका छन । पुर्वको ५ शहरहरुका करिब २५० सिटी सफारीहरुमा पोस्टर टासिएको छ ।चलचित्रको नामले सबै दर्शकहरुलाई निकै कौतुहल्ता जगाएको छ । यो पोस्टर टास्दै जाने क्रममा पनि पोस्टर देख्ने धेरै दर्शकहरूले “केटि हराएको सुचना” भनेर झुक्किएका थिए, जसले फिल्मको नामले दर्शकमा कौतूहलता थपेको छ । पोस्टर पब्लिसिटीबाट देखिएको उत्साह र पोस्टरको अनौठो नामले फिल्मको कथामा केही भिन्नता रहेको संकेत गरेको छ । यसले गर्दा दर्शकहरू चलचित्रप्रती अझ प्रतिक्षित देखिएका छन् ।

ट्राई सिटी पिक्चर्सको प्रस्तुती, दीपेन्द्र गौचनको लेखन निर्देशन र लगानीमा निर्माण भएको मिसिङ: केटि हराएको सुचना’ चलचित्रका कार्यकारी निर्माता नकिम उद्दिन हुन् भने सह-कार्यकारी निर्मातामा मनोहर दास मुल, अनिन राजभण्डारी, राजीव थापा, रोबिन थापा, राधेश पन्त, महेन्द्र शाक्य, ज्योतिमान शेरचन, चन्द्र भट्टचन, र सञ्जय भट्टचन रहेका छन् । चलचित्रमा नाजिर र सृष्टिसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल, र ओमप्रकाश कर्णको अभिनय छ भने अमितेष शाहको विशेष भूमिका रहेको छ ।