‘पूर्ण बहादुरको सारङ्गी’ का ‘पुर्णे’ बिजय बराललाई ‘नेचुरल स्टार’ को उपाधी

हाल प्रदर्शनरत चलचित्र ‘पूर्ण बहादुरको सारङ्गी’को मुख्य कलाकार बिजय बराल ‘पुर्णे’ लाई दर्शकहरुले ‘नेचुरल स्टार’ को उपाधी दिएका छन । पूर्ण बहादुर को सारङ्गी को निर्माण कम्पनी सेवेन सिज इन्टरटेन्मेन्टले आफ्नो अफिसियल फेसबुक पेजमा बरालको फोटो राख्दै दर्शकहरुद्वारा माया गरेर दिएको नेचुरल स्टारको उपाधी भन्दै बधाई दिएको छ । पहिलो दिनको पहिलो पहिलो शो हरुमा खासै दर्शकहरुको साथ नपाएको चलचित्रले माउथ पब्लिसिटी, सामाजिक संजालमा आएको कारुणिक दृश्य, र गीतका कारण दर्शकहरु हल सम्म गएर हेरेका छन । विहिबार देशब्यापी ५६ शोबाट रिलिज भएको यो फिल्मले सोमबार १८६ शो पाएको छ । शीर्ष अभिनेताको रुपमा विजय बरालको यो पहिलो चलचित्र हो । यस चलचित्रले लिड एक्टरको रुपमा बरालको सिनेम्याटिक करिअरलाई राहत मिलेको छ ।

प्राय सुपर हिट भएका चलचित्रमा दयाहाङ राईको सहायक भूमिकामा जीवन्त अभिनय गर्दै आएका बरालले आफु साचै नेचुरल स्टार भएको प्रमाणित पनि गरेका छन । जस्तोसुकै भूमिकालाई जीवन्त अभिनय गर्ने बरालले यस अघी अभिनय गरेका कबड्डी सिरिज, जारी लगायत चलचित्रहरु सुपहिट छन । बरालले अभिनय गरेको पात्र पूर्ण बहादुर हामीले हाम्रो वरपर देखेको पुरूषभन्दा फरक अनी वास्तबिक अभिनयले सबैको मन छुन्छ लाग्छ पुर्णे वास्तबिक हो यहाँ बरालले अभिनय गरिरहेका छैनन । यही जीवन्त अभिनय र उनको अभिनय क्षमता उनले पूर्ण बहादुरको सारङ्गी मा देखाएकै कारण उनले दर्शकहरुबाट ‘नेचुरल स्टार’ को उपाधी पाएकामा दुइमत छैन । चलचित्रमा विजयसहित बुद्धि तामाङ, प्रकाश सपुत, अभिनेत्री अञ्जना बराइली, देशभक्त खनाल, अलिशा बास्कोटा, मुकुन भुसाल, भोलाराज सापकोटाको अभिनय छ। सरोज पौडेल निर्देशित फिल्मलाई विनोद पौडेल र प्याट्रिक सुवेदीले निर्माण गरेका हुन्। फिल्मको पटकथा र संवाद महेश दवाडीले लेखेका हुन्।