‘पूर्ण बहादुरको सारङ्गी’ को टिम पूर्वका दर्शकलाई धन्यवाद दिन हलहलमा

हाल प्रदर्सनरत सुपरहिट चलचित्र ‘पूर्ण बहादुरको सारङ्गी’को मुख्य कलाकार पुर्णे बिजय बराल, निर्माता बिनोद पौडेल र सम्पादक सुरेन्द्र पौडेल यतिबेला पुर्वका सिनेमा हलहरुमा भ्रमण गरिरहेका छन । चलचित्रले दर्शकहरुको राम्रो साथ पाएर ब्यापार पनि राम्रो गरेपछी पुर्वका दर्शकहरुलाई धन्यवाद दिन सिनेमा हल भ्रमण गरेको निर्माता बिनोद पौडेलले जानकारी दिए । मुख्य कलाकार बिजय बराल ‘पुर्णे’ लाई दर्शकहरुले ‘नेचुरल स्टार’ को उपाधी दिएका छन । टिमले बिहीवार गाइघाट को सिनेमा हल शुभलक्ष्मी सिनेमा हल, धरानको फ्रेण्ड्स सिनेमाजमा पुगेर दर्शक हरु सँग खुशी साटेको छ ।

धरानमा भने फ्रेण्डस सिनेमाजले चर्चित गायक सुरेश गन्धर्भ, भोइस नेपालका प्रतिस्पर्धी तेज गन्धर्व लगायतलाई लिएर चलचित्रकै गीत गाउँदै टिम लाई स्वागत गरेको थियो । दर्शकहरुबाट हामीले नसोचेको माया पाएको छौ, ,मेहनत हामीले गरेको थियौ तेस्को नतिजा दर्शकहरुले सकरात्मक दिनु भएको छ, त्यसैले पूर्वबाट दर्शक हरुलाई धन्यवाद दिन सबै सिनेमा हलमा जाने चलचित्रका मुख्य कलाकार बिजय बरालले बताए । टिम सुक्रबार बिर्तामोड, दमक, इटहरी र बिराटनगरका सिनेमाहलहरुमा जाने छ ।

नेपाली चलचित्र ईतिहासका नयाँ रेकर्ड कायम गर्न सफल भएको ‘पूर्ण बहादुर को साराङ्गी’ ले एक हप्तामा छु करोड माथीको व्यापार गरेको छ । यसैबाट ऐतिहासिक सुपर हिट चलचित्र बन्न सफल चलचित्रले यस अघीका सबै ब्रेकहरु तोडेको छ । चलचित्रमा विजयसहित बुद्धि तामाङ, प्रकाश सपुत, अभिनेत्री अञ्जना बराइली, देशभक्त खनाल, अलिशा बास्कोटा, मुकुन भुसाल, भोलाराज सापकोटाको अभिनय छ। सरोज पौडेल निर्देशित फिल्मलाई विनोद पौडेल र प्याट्रिक सुवेदीले निर्माण गरेका हुन्। फिल्मको पटकथा र संवाद महेश दवाडीले लेखेका हुन्।