दर्शकहरुलाई दसैंको कोशेली, सर्वाधिक सफल चलचित्र ‘जारी’ युट्युबमा

बर्ष २०८० कै सफल चलचित्र, १०० दिन मनाउन सफल चलचित्र ‘जारी’ लाई अब दर्शकहरुले युटुबमा हेर्न पाउने भएका छन । यस बर्ष २०८१ को दसैंको कोसेली स्वरुप निर्माण टिमले ‘जारी’ लाई युट्युबमा अपलोड गरेको हो । कवि तथा लेखक उपेन्द्र सुब्बाको डेव्यु निर्देशकिय सिनेमा २०८० को नयाँ वर्ष अर्थात् बैशाख १ गते रिलिज भएको थियो । यो सिनेमाले नेपाली बक्सअफिसमा मात्रै १७ करोडमाथि ग्रसकलेक्सन गर्दै ब्लकबस्टर भएको थियो । ‘जारी’ लाई यही चलचित्र निर्माण कम्पनी बासुरी फिल्म्सको युट्युब च्यानलमा अपलोड गरिएको छ । दुई घण्टा बढी लामो चलचित्र लाई यो बर्षको दसैंमा दर्शकहरुले भरपुर मनोरन्जन लिनेमा दुइमत छैन ।

बासुरी फिल्म्स ब्यानरमा कबड्डी फेम्ड निर्देशक राम बाबु गुरुङले निर्माण गरेको ‘जारी’ मा उपेन्द्र सुब्बाको लेखन तथा निर्देशन रहेको छ । ‘जारी’ मा दयाहाङ र मिरुनासँगै विजय बराल, प्रेम सुब्बा , मनिता जैका बान्तवा , रोयदीप श्रेष्ठ, रेखा लिम्बु, कमलमणी नेपाल, पुष्कर गुरुङलगायत कलाकारको अभिनय छ। सुरेश नियोङ लिम्बुको कन्सेप्टमा निर्माण भएको सिनेमामा झुमा लिम्बु र गंगा थापाको संगीत, शैलेन्द्र डी कार्कीको छायांकन र निमेष श्रेष्ठको सम्पादन छ । सिनेमाका निर्माता सफल निर्देशक रामबाबु गुरुङ हुन् ।