‘बेहुली फ्रम मेघौली’ को गीतमा प्रदीप देखी दिपा सम्म बिहेको कुरो गर्दै

यही बर्ष ८१ को दसैंमा प्रदर्शनको तयारीमा रहेको प्रतिक्षित चलचित्र ‘बेहुली फ्रम मेघौली’ को प्रोमोशनल गीत रिलिज भएको छ । ‘बिहे गर्ने की नगर्ने’ बोलको गीतमा नेपाली सिनेजगतका स्टारहरुले कम्मर मर्काएका छन । अहिलेका स्टारहरु प्रदीप खडका, नाजिर हुसेन, धिरज मगर तथा अभिनेत्री साम्राज्ञी राज्यलक्ष्मी शाह, बेनिशा हमाल, शिल्पा मास्केका साथै चर्चित निर्देशक तथा कलाकार दीपाश्री निरौला गीतमा प्रस्तुत भएका छन । फिल्मकी निर्मात्री तथा मुख्य कलाकार स्वस्तिमा खडकाको कन्सेपमा बनेको गीतको शब्द रचना तथा पफर्मर कुशल पोखरेल हुन ।

विवाहको उमेरलाई व्यंग गर्ने गीतमा कलाकारहरुलाई बिभिन्न अवस्थामा देख्नसकिन्छ । गीतमा कोहि आक्रोसित छन भने कोही एक्साइटेड भएको देखिन्छ । बलिवुडको एक गीत ॐ शान्ती ॐ बोलको गीतमा जम्बो कलाकार फिचर्ड गरिएको गीतमा यस अघी सन्तोष पन्तको माया जदौ मा यस्तो अभ्यास गरिसकिएको छ ।

केही समय अघी सम्म प्रदर्शन मिती घोषणामा अन्यौलता छाएको बेला निर्माण टिमले प्रमोसनल गीतसँगै प्रदर्शन मिति पनि घोषणा हो । चलचित्र अब असोज १७ गते घटस्थापनाको दिनबाट प्रदर्शनमा आउने पक्का भएको हो । साजन काफ्ले र आकाश बरालको लेखन तथा निर्देशन रहेको ‘बेहुली फ्रम मेघौली’ सिनेमाका कार्यकारी निर्माता फिरोज खड्का र शंकर पाण्डे हुन् । मैनालीको छायांकन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको संगीत, घनश्याम श्रेष्ठको प्रोडक्सन डिजाइन रहेको चलचित्रको कास्टिङ डिरेक्टर विजय बराल हुन ।