धरानमा ‘गाउ आएको बाटो’ टिमलाई मेयर साम्पाङद्वारा भव्य स्वागत

गत शुक्रबारबाट प्रदर्शनमा आएको चलचित्र ‘गाउ आएको बाटो’ को सम्पूर्ण टिम यतिबेला पुर्वका दर्शकहरुलाई धन्यवाद दिन पुर्वका मुख्य शहरहरु बिराटनगर, इटहरी, धरान , दमक र बिर्तामोडका शहरहरुका सिनेमाहलहरुमा भ्रमणमा छन । मंगलबार बिराटनगर र इटहरीका दर्शकहरु सँग भेटघाट गरेपछी टिम साझ धरान स्थित फ्रेण्ड्स सिनेमाज तर्फ लागेको थियो । धरानमा भने स्पेशल शो राखिएको थियो । सम्पूर्ण कलाकारहरु आउने भएपछी स्थानिय सिनेमा हल र गीतकार समाजसेवी मिना सिङगकको टिमले बिशेष कार्यक्रम आयोजना गर्‍यो । बिभिन्न जातिय झाकी सहित रेड कार्पेट ओछ्यएर ताम्झामका साथ तयारी रहेको कार्यक्रमका प्रमुख अतिथी धरान उपमहानगरपालिकाका मेयर हर्क साम्पाङ थिए ।

मेयर साम्पाङले सम्पूर्ण कलाकारहरुलाई भव्य स्वागत गरेका थिए । फ्रेण्ड्स सिनेमाजको प्राङ्गणमा आयोजना गरिएको कार्यक्रममा राई जातीहरुको साकेला नाच र लिम्बुहरुको च्याम्व्रुङ नाचद्वारा कलाकारहरु र निर्माण टिमलाई भव्य स्वागत गरिएको थियो । स्वागत कार्यक्रममा बोल्दै ‘गाउ आएको बाटो’ का लेखक तथा निर्देशक नबिन सुब्बाले धरान आफ्नो गृहनगर र कलाकारिताको उद्द्गमस्थल भएकोले दर्शकहरुको यो साथ र माया देखेर आफुलाई निकै भावुक बनाएको बताए । आफुलाई गाह्रो साह्रो पर्दा आफ्नो धरान धेरै सम्झिने उनले सुनाए । धरान आफ्नो शक्तीको स्रोत भएको सुब्बाले बताए । धरानलाई कला सँग जोडेर अझै धेरै काम गर्ने भन्दै सुब्बाले गाउ आएको बाटो धरान संग प्रत्यक्ष जोडीएको उनको दावी छ ।

यस्तै कलाकार दयाहाङ राईले आफ्नो चलचित्र रिलिज भएपछी धरानले निकै ऋणी बनाएको र यो धरानेको साथ देख्दा आफुलाई भावुक बनाएको सुनाए । गाउ आएको बाटो भोजपुर र धरान सँग जोडीएको कथा भएकोलेपनी धरानेहरुले धेरै रुचाउनु भएको छ र अझै रुचाउनु हुनेमा आफु ढुक्क भएको राईले बताए । कलाकार पशुपती राईले आफु धरानमै जन्मी हुर्के कलाकारिता पाइलायही बाट चालेको र आफ्नो ठाउमा यो स्वागत सम्मान पाउदा निकै हर्सित भएको र आज आएर आफुलाई कलाकारको रुपमा धरानले दिएको यो सम्मान कहिले नबिर्सिने बताइन । कार्यक्रमका प्रमुख अतिथी धरान उपमहानगरपालिकाका मेयर हर्क साम्पाङले नेपाली चलचित्रको स्तर बढ्दै गएको बताए । उनले गीत संगीत र चलचित्र हेर्नपनी हामी भारतकै भर पर्नु परिरहेको बेला गाउ आएको बाटो जस्तो आर्गनिक चलचित्र बनेर केही राह्त भएको बताए । आफु दयाहाङ् राईको फ्यान भएकोले पनि यो सिनेमा हेर्न आएको बताए । फिल्मले देशको माया माटोको माया गर्ने भएकाले फिल्मको पात्र दयाहाङमा आफु पाएको बताए ।

भोजपुर तथा धरानमा छायांकन भएको चलचित्र गाउ आएको बाटोले धरानको फ्रेण्ड्स सिनेमाज मा रेकर्ड ब्रेक शो पाएको छ । सिनेमाले जम्मा दैनिक ७ शो पाएको छ । ति सबै शो हरु हाउसफुल छन । गाउ गाउमा बाटो पुगे सङै स्थानिय भित्रिएका आधुनिक औजार र दैनिक उपभोग्य सामग्रीहरुले स्थानिय हस्तकला र परम्परागत चित्रा , चोया दाम्लो नाम्लो लोप भए संगै दैनिक आम्दानीमा आएको नकरात्मक असर यिनै परम्परागत सिपले गुजारा चलाएका माइला अर्थात दयाहाङको जीवनमा आएको परिवर्तन अनी आफ्नो छोराको खुशीको लागी जे पनि गर्न तयार मरिहत्ते गर्ने एक संघर्षशील बुवा को कथा गाउ आएको बाटोले पेस गरेकोछ ।