दयारानी टिजर सार्वजनिक, दयालाई दोश्रो विवाह गर्न दवाव

सुपर चलचित्रहरु कबड्डी, जारी , फुलबारी जस्ता चलचित्रहरु निर्माण गरेको निर्माण कम्पनी बाँसुरी फिल्मस् र सफल कलाकार माओत्से फिल्मस्को ब्यानरमा निर्माण भएको अभिनेता माओत्से गुरुङको डेव्यु निर्देशन रहेको चलचित्र ‘दयारानी’ को टिजर सार्वजनीक भएको छ । अभिनेता दयाहाङ राई र अभिनेत्री दीया पुनको मुख्य भुमिका रहेको सिनेमा ‘दयारानी’को टिजर सार्वजनिक भएको छ । बिहीबार रिलिज गरिएको १ मिनेट ४६ सेकेण्ड लामो टिजरमा उनीहरु श्रीमान्-श्रीमतीका रुपमा रहेका छन् ।सार्वजनिक टिजरमा नि:सन्तान भएकाले दयालाई दोश्रो विवाह गर्न दीयाले प्रेरित गरेको देखाइएको छ । सो क्रममा दयाले दीयाको सो प्रस्ताव अस्वीकार गरेको देखाइएको छ भने अर्को एक दृश्यमा सालीसँग ठट्टा गरेको देखाइएको छ । हास्यप्रदानसँगै केही गम्भिरता प्रदान गरेको सिनेमाको यो टिजरले दर्शकलाई आकर्षित गर्ने देखिन्छ ।‘मिस्टर झोले’मा पहिलो पटक एकसाथ काम गरेका दया र दीयाको जोडी यो सिनेमाबाट पुन: पर्दामा एकसाथ आउँदैछन् । सिनेमामा दयाहाङ र दीयाका अलावा विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ र क्रिष्टी गुरुङ लगायतका कलाकार पनि अभिनय छ । दयारानी यही माघ २६ गतेबाट देशभर एकसाथ प्रदर्शन हुँदैछ ।