गौरब र श्रदाको प्रेममा निर्मल शर्मा बाधक

कलाकार गौरब पहाडी र श्रदा क्षेत्री बिचको प्रेममा निर्मल शर्मा गैंडा बाधक बनेकाछन । यो रियलमा नभएर रिलमा हो । डाक्टर नवराज प्रधानको नयाँ गीत ‘ठुली’ बोलको गीतको म्युजिक भिडियोमा यस्तो अवस्थामा सिर्जना भएको हो । गीतको म्युजिक भिडियोमा कलाकार गौरब र श्रद्दाको प्रेममा गौरवको गरिवी पनि बाधक बनेको छ । दुइजना घुम्ने क्रममा भएको दुर्घटनामा गम्भीर घाइते बनेका गौरवको उपचारमा लाग्ने खर्च श्रद्दाले आफ्नो बाबा निर्मल शर्मा सँग माग्दा गौरबलाई नै छोडन पर्ने सर्त आउँदा सिर्जना भएको कथालाई निर्देशक गौतामराज खडकाले गज्जवले प्रस्तुत गरेकाछन । भिडियोको कथा पनि खडकाकै हो । गीतको म्युजिक भिडियो सोमबार ओएसआर डिजिटलको युट्युब च्यानलबाट रिलिज भएको हो। गीतमा शब्द,संगीत र स्वर डाक्टर नवराज प्रधानकै रहेको छ।

गीतको म्युजिक अरेन्जमेन्ट चाहिँ कालिप्रसाद बास्कोटाले गरेका छन्। उसो त, गीतको भाव अनुसार भिडियो उत्कृष्ट बनाइएको छ। भिडियोमा अभिनेता गौरव पहारी र अभिनेत्री श्रद्धा क्षेत्री फिचर्ड छन्। प्रेमी-प्रेमिकाको भुमिकामा यि दुई भिडियोमा प्रस्तुत छन्। पारिवारका कारण प्रेम सम्बन्धमा आउने उतारचढावको कथालाई भिडियोमा उत्कृष्ट तरिकाले देखाइएको छ।गौरव र श्रद्धाका अलावा भिडियोमा निर्मल शर्मा, राम बहादुर अधिकारी लगायतका कलाकारहरुलाई पनि देख्न सकिन्छ। सौरभ लामाले खिचेको भिडियोलाई गौतमराज खड्काले नै सम्पादन गरेका छन ।