‘के तिमीलाई यो कुराको खबर छ’ भन्दै सुहाना

यही भदौ २९ गतेबाट देशभर प्रदर्शनको तयारीमा रहेको ‘एक भगवत् गीता’को दोस्रो गीत ‘के तिमीलाई यो कुराको को खबर छ’ बोलको गीतको भिडियो सार्वजनिक भएको छ । सार्वजनिक गीतमा सुहाना थापा र बालकलाकार जेभिस र जेभिन श्रेष्ठलाई फिचर्ड छन । पछील्लो समय चर्चामा रहेको बहुप्रतिक्षित चलचित्र ‘एक भागवत गीता’ को ट्रेलर पनि युट्युब च्यानलको ट्रेण्डिङमा पर्न सफल भएको छ । पोस्टर रिलिज देखी टिजर हुँदै ट्रेलर रिलिज भएपछी सिनेमाको चर्चा झन्डै चुलिएको छ । टिजर रिलिज भएपछी नेपाली दर्शकले दक्षिण भारतीय मुवी को सँज्ञा दिन थालेकाछन । जनकपुरको सेटिङमा खिचिएको फिल्ममा बिपिन कार्कीलाई कमला माइ अवतरमा देखाइएको ‘एक भागवत गीता’ को पहिलो गीतपनी अहिले चर्चा मै छ । पहिलो गीत केही रोमान्टीक पक्कै छ ।

बुधवार दोस्रो गीतपनी रिलिज भएको छ । कृष्ण जन्माष्टमीको अवसर पारेर मैथली र नेपाली भाषाको समिश्रणमा तयार पारिएको गीत सार्वजनिक गरिएको हो ।जनकपुरको सेटिङमा खिचिएको सार्वजनिक गीतमा सबिन एकतारेको शब्द रचना तथा हर्कुलस बस्नेतको संगीत रहेको गीतमा संगीतकार बस्नेत, रजज्ञा श्रेष्ठ र सुमन गुरुङको स्वर सुन्न सकिन्छ । सिनेमाका मुख्य अभिनेत्री सुहाना थापा र बालकलाकार जेभिस र जेभिन श्रेष्ठलाई फिचर्ड गरिएको गीतमा कविराज गहतराजको कोरियोग्राफी रहेको छ । राजेश श्रेष्ठले खिचेको गीतलाई मित्र डि गुरुङले सम्पादन गरेका हुन् ।

सिनेमामा विपिन कार्की, धिरज मगर, सुहाना थापा, कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको पनि अभिनय छ ।सुनिल कुमार थापाको निर्माण रहेको सिनेमाको कन्सेप्ट अभिनेत्री सुहाना थापा र कथा निर्देशक झरना थापाको हो । झरनासँगै सरिन पोखरेल, परिक्षेद सेन, पुरुषोत्तम ढंगेल र कृष्णको पटकथा रहेको सिनेमामा परिक्षेद र पुरुषोत्तमले संवाद लेखेका छन् ।सुहाना इन्टरटेनमेन्ट र सुनिल कुमार थापा प्रोडक्सनको व्यानरमा निर्माण भएको सिनेमामा राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर, हर्कुलस बस्नेत, आशिष अविरल, प्रवेश मल्लिक र बाबुल गिरीको संगीत तथा शंकर अधिकारी घायलको शब्द रचना रहेको छ ।