सुरु भयो ‘ऐचो पैचो’ को प्रचार प्रसार

यही भदौ १४ गतेबाट देशभर प्रदर्शनमा आउन लागेको प्रतिक्षित फिल्म ‘ऐचो पैचो’ को प्रचार प्रसार सुरु भएको छ । कृषा चौलागाईको निर्देशनमा निर्माण भएको सिनेमा ऐंचौ पैंचोले प्रचार प्रसार बुधबार सिनेमाको निर्माण टिम टेक्सास इन्टरनेशनल कलेजले आयोजना गरेको ओरेन्टेसन कार्यक्रममा पुगेर सिनेमाको प्रचार आरम्भ गरेको हो । सिनेमाको प्रचार गर्न अभिनेता सुशिल सिटौला, अभिनेता राजाराम पौडल र अभिनेत्री सारदा गिरी काली बुढी बुधबार टेक्सास कलेज पुगेका थिए । ओरिन्टेसन कार्यक्रमका पुगेका तीन जना कलाकारले आगामी भदौ १४ गतेबाट प्रदर्शनमा आउने सिनेमा ऐंचो पैंचोको बारेमा जानकारी गराएका थिए, भने सम्पुर्ण विद्यार्थीलाई सिनेमा हेर्न आग्रह समेत गरे । कार्यक्रममा सिनेमाको गीत काले केटाले तीनै जना कलाकारले नृत्य गरेका थिए ।निर्देशक चौलागाईका अनुसार अबको केही दिनमा सिनेमाको ट्रेलर सार्वजनिक गर्दै पूर्ण रुपमा सिनेमाको प्रचारमा केन्द्रीत हुने बताइन् ।

पुर्वको बिभिन्न रमणिय स्थानमा छायांकन गरिएको ‘ऐचो पैचो’ को यो गीत लाई भव्य सेट लगाएर खिचिएकोछ । ‘ऐचो पैचो’ टिजर रिलिज भैसकेको छ । टिजरमा गाउले युवाहरुको राजनीति यात्रा र प्रेमिल सम्बन्धलाई गज्जबले प्रस्तुत गर्न खोजिएको छ । टिजर हेर्दा साउथ इन्डियन फिल्म जस्तो देखिने ‘ऐचो पैचो’ दर्शकले मन पराउने देखिन्छ । केपी फिल्मस को ब्यानरमा निर्माण भएको ‘ऐचो पैचो’ अभिमन्यु निरवीको लेखन, कृषा चौलागाइको कम्व्याक निर्देशन हो ।

उनको महत्वपूर्ण कम्व्याकले दर्शकको मन जित्ने पक्का छ । फिल्ममा मुकुन भुसाल , स्वस्तिमा खड्का, बर्षा राउत, सुशील सिटौला, कोशीस छेत्री, राजाराम पौडेल, बुद्धी तमाङ, सरिता गिरी, बिशाल पहरी, रमेश बुढाथोकी, रबिन्द्र झा,सुमन मोते लगायतको अभिनय रहेकोछ । फिल्म लाई चर्चित छायाकार पुरुषोत्तम प्रधानले खिचेका छन भने बिपिन मल्ल र भुपेन्द्र अधिकारीले सम्पादन गरेका छन । प्रितम लामिछाने र आध्या लामिछाने फिल्म का निर्माता हुने भने बिशाल चौलागाई सह निर्माता हुन । भोला सुवेदी ( आर जे प्रणब ) फिल्मको निर्माण नियन्त्रक छन । फिल्म यही भदौ १४ गतेबाट देशभर प्रदर्शनमा आउँदैछ ।