सफल चलचित्र ‘महापुरुष’बाट उदाएकी कलाकार अन्जना बराईलीको तीज गीत ‘मायाले त होला’ बोलको गीतको म्युजिक भिडियो रिलिज भएको छ। तीज आउन लगभग डेढ महिना बाकी रहदा पछील्लो समय बजारमा थुप्रै तीज गीतहरु रिलिज भैसकेका छन । त्यही तीज गीतहरुको भीडमा अन्जना अभिनित ‘मायाले त होला ‘ बोलको तीज गीतमा प्रेमी प्रेमिका श्रीमान श्रीमतीको एक अर्का प्रती समर्पित भएको भाव बोलेकोछ । एक अर्काप्रती गरिने संकालाई मायाले गरिएको संका भन्ने भाव बोल्ने गीतको शब्दहरु उत्कृष्ट छन । भगिरथ चलाऊनेको शब्द संगीत रहेको गीतमा भगिरथ चलाऊने र सुनिता बुढा क्षेत्रीको स्वर सुन्न सकिन्छ । गीतमा अन्जना सँग गायक चलाऊने स्वयम पनि छमछमी नाचेकाछन् ।
राजेश घिमिरेले खिचेको म्युजिक भिडियोको निर्देशन र कोरियोग्राफी मौसम हिमालीको रहेकोछ । भिडियोको सम्पादक नबिन घर्ती मगर हुन । एडभेन्चर इन्टरटेन्मेन्टले उत्पादन गरेको म्युजिक भिडियोको प्रस्तुतकर्ता सन्ध्या कंडेल हुन । भिडियो गायक भगिरथ् चलाऊनेको अफिसियल युट्युब च्यानलबाट रिलिज गरिएको छ । भिडियोलाई दर्शक हरुले अत्यधिक रुचाएकाछन । अहिले यो गीत ट्रेन्डिङमा उकालो चढ्डै छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।